Ua faaalia e Michael Gunner o le a faamavae mai le tofi Chief Minister o le Northern Territory.
O le a tumau pea ona avea o ia ma sui o le itumalo o Fannie Bay, ae o le a le toe avea o ia ma taitai o le Labor ma Chief Minister o le Teritori.
Na faaalia e Michael Gunner, ua mana'o e ave lana faamuamua i le tausiga o lona aiga ae maise le toe faamanuiaina o i la'ua ma lona to'alua i seisi pepe fou.
[["The birth of our second child, the week before last confirmed something for me. My head and my heart are no longer here. They are at home. I have grappled with this decision with some weeks. Welcoming little Nash into the world sealed the deal. There is never a perfect time to step back, to walk away, to give others a go. But for me, for my family, this feels like the right time."]]
O le Aso Faraile nei e fono ai le faafaletui a le Labor mo le palotaina o sona taitai fou e sui tulaga ia Michael Gunner, ae ua tau'aveina nei e le sui taitai Deputy Chief Minister Nicole Manison tiute o le Ofisa.
********************************************************
O loo tumau pea le faatuatuaga o le palemia Scott Morrison i le sui tauva na ia filifilia mo le nofoa o Warringah, Katherine Deves, e ui ina toe faia nisi lafoga a le sui tauva e faasino i tagata LGBTQI+.
Na faaalia e Deves lona manatu o tagata e faia ta'otoga e suia ai o latou itupa o loo faia ni uiga e faatauga ai i o latou tino.
Na faaalia e Scott Morrison e le o ni 'upu ia na te faaaogaina, ae na te taliaina le taua o le mafaufau toto'a iai o tagata ae le'i faia se faai'uga e faatino ai se ta'otoga.
[["That's not a phrase that I would - I'm sure that's not a phrase that any Prime Minister would use. I'm just simply saying that this is a significant surgical procedure that completely changes someone's life and that it should never be entered into lightly."]]
**********************************************************
Ua faaalia e le failautusi aoao o malo aufaatasi, UN Secretary-General António Guterres, lona popolega i le faateteleina o le taua i Ukraine.
I lana malaga asiasi i Moldova, na saunoa ai Guterres e le na o Ukraine o loo a'afia i le osofa'iga a Rusia, ae o le a sosolo a'afiaga i isi atunu'u o le lalolagi.
[["The impact of the war in Ukraine across the region and the world is profound and far-reaching. The consequences of escalation are too frightening to contemplate. I am deeply concerned about the continuation and possible spread of the war Russia is waging in Ukraine, and by the impact it is having not only in the region but around the world."]]
**************************************************************
