Muamua atu i tala mulimuli nei o le faama'i KOVITI-19.....
I New South Wales, e to'a 19,843 tagata ua faamaonia le pesia mo le taimi muamua i le KOVITI-19, ma le to'a 4 na maliliu ai i le 24 itula ua mavae.
I Vitoria, to'a 8,349 na pesia ma le to'a 9 na maliliu.
********
Ua tu'ua'ia e le Labor le tipiina e le malo o fesoasoani mo atunu'u i fafo (foreign aid) i le tulaga ua alia'e mai i le Pasefika, e pei ona faaalia ai le sainia o se maliega i le va o Saina ma le atu Solomona e mafai ai e va'atau a Saina ona tau i uafu o lea atunu'u o le Pasefika.
A taunu'u lea faamoemoe, e pei ona liki i ni pepa o faamatalaga, e ono fausia ai se nofoaga o le militari a Saina i se mamao e le 'ova atu i le 2,000 kilomita mai Ausetalia.
Na faaalia e le ta'ita'i o le Labor, Anthony Albanese, o se tulaga e faapopoleina ai le se'e i tua o le faatuatuaga a atunuu o le Pasefika i le malo Ausetalia, ma ua tatau ai ona toe feutaga'i ma silasila i fesoasoani mo atunu'u tua'oi i le Pasefika.
********
