E to'a 132 tagata o le pasese ma le auva'a a le malaga MU-5737 a le kamupani va'alele a China Eastern, o loo masalomia le maliliu uma ina ua pa'u le va'alele i atumauga o Guangxi i Saina.
O le malaga na amata mai i le taulaga o Kunming i Yunnan mo le taulaga o Guangzhou.
********
E to'a 8 tagata sivili ua faamaonia le maliliu i le osofa'iga a Rusia o le taulaga o Kyiv i Ukraine.O le osofa'iga na faia e fa'aaogaina ai pomu i se nofoaga mo faatau.
Na faaalia e se sui o le milirai a Rusia, Major General Igor Konashenkov, na mafua ona osofa'ia le nofoaga e fai ai faatau, le shopping centre, ona o loo teu ai e Ukraine roketi o loo fa'aaoga e osofa'ia ai vaega'au a Rusia.
E le o mafai ona faamaonia le moni o nei lafoga.
********
O le po o le Aso Lulu o le vaiaso a sau, Aso 30 o Mati, o le a faia ai le sauniga faamanatu, le memorial service, mo Shane Warne i le MCG.
