Ua faa'upuina e nisi o se fitafita ua toe pa'u i lana lava pelu.
O le alii fitafita o Ben Roberts-Smith, na tau'a'aoina iai le faailoga aupito maualuga ma taualoa i le militari le Koluse o Vitoria le Victoria Cross - mo se fitafita loto tele ma 'au'auna malosi i le vaega'au ma na ia faia se gaioiga e faailoaina ai lona toa.
Na ia faauluina se tagi i le Federal Court aga'i i ni ripoti a ni nusipepa na faasalalauina i le 2018 na tuua'ia ai o ia i le faia o ni soligatulafono o taua poo war crimes i le taimi o auai i le vaega'au i le taua i Afghanistan i le va o le 2009 ma le 2012.
Na saunoa Professor Ben Saul o le mata'upu International Law i le University of Sydney, ua tula'i mai le fesili i le faai'uga lenei a le Federal Court, pe ua le tatau ona molia Ben Robert-Smith i le solitulafono o le fasioti tagata e pei ona alia'e mai i molimau i le faamasinoga.
"It certainly raises public expectations that criminal charges should be promptly laid and that he should be prosecuted for the war crimes of murder that the Federal Court has found he was involved in."
Ina ua fesiligia le palemia Anthony Albanese i le mata'upu lenei i ni moliaga faasolitulafono o le fitafita, na ia tali e le talafeagai ona aumaia sona manatu, ona e ono auai le malo o se tasi o itu o se faamasinoga pe a o le i'uga lea e o'o iai.
"It would be inappropriate to comment on the detail of that given the potential that is then there for future action that the government might be a party to."
O le mata'upu lea na tagofia e le faamasinoga, o se civil case, lea ua faasa'oina ai ripoti a nusipepa ma tusitala na tusia ia ripoti.
Ae a o'o i se faamasinoga o soligatulafono, se criminal case, e 'ese le tulaga e iai.
Na saunoa Professor Saul, a o'o i le tulaga lea, e ono su'esu'e ai ma nisi soligatulafono o taua na faia e nisi fitafita o le vaega'au a Ausetalia i Afghanistan.
"It’s not just Ben Roberts-Smith. It’s allegations of at least 40 murders involving a very significant number of Australian soldiers so this is a, extremely concerning... If we don’t genuinely prosecute our own forces, then there is of course, always a risk that the International Criminal Court would seek to prosecute our soldiers. So we have to demonstrated that we’re taking this seriously, that we’re pursuing genuine criminal prosecutions and it’s also about restoring the reputation and the honour of the Australian military.”
O le faai'uga na tele ona lipotia i Ausetalia nei, ae na molimauina fo'i le lipotia e le tele o nusipepa ma isi auala o faasalalauga i le lalolagi.
I le laumua o Afghanistan i Kabul, na faaalia le to'atama'i o nisi e pei o le alii o Haji Badar.
"He should be executed in the same place where he martyred innocent Afghan civilians. All foreigners who have committed such a crime in different parts of the country have to be tried, all such cases should be well investigated by the international community if they really claim they uphold justice."
Na faaalia le taliaina e tagatanu'u Afghans o loo aumau i Ausetalia nei o le faai'uga a le Federal Court.
E pei ona saunoa Mohib Iqbal le peresitene o le Afghan National Council Australia.
"This was a key first step in achieving some level of accountability on the violence of the 20 years of violence that has happened in Afghanistan."
Na saunoa Professor Saul, ua tatau i le malo tele ona silasila i taui mo aiga o tagata Afghanistan na maliliu i sauaga a fitafita o le militari.
"The Brereton Report, two and a half years ago urged the Government to immediately compensate at that time, it’s two and a half years later and still nothing has happened."
E le o faailoa maia e Ben Roberts-Smith pe faaulu sana talosaga e apili ai le faai'uga.
Ripoti na tapenaina e Tanya Dendrinos mo le SBS News, faaliliuina ma faaslalauina e Ioane Tiperio Lafoa'i mo le SBS Samoan.
