A saisaia ma molia 'oe i se solitulafono i atunu'u i fafo atu o Ausetalia, o le tulaga o le malo Ausetalia ma lea atunu'u e saisaia ai 'oe e ono tula'i mai ai le 'ese'esega i le mamafa o sou faasalaga.
Feagaiga ma Maliega
E iai feagaiga ma maliega a le malo tele i Ausetalia ma isi atunu'u i le lalolagi. I nisi o atunu'u ua iai aiaiga ma tu'utu'uga ma ia malo i le auala e tagofia ai mataupu a tagatanu'u Ausetalia pe a latou solia tulafono a ia atunu'u ma saisaia ai i falepuipui. E mafai ona faatagaina e ia malo fesoasoani faa-Konesula a le malo Ausetalia mo ona tagatanu'u. E iai fo'i taimi e leai se maliega ma lea atunu'u.
O le tele o atunu'u i le lalolagi ua latou saini 'a'ao i le Vienna Convention on Consular Relations. O lona uiga o soo se tagata e saisaia pe molia e iai lana aia tatau i se fesoasoani mai lle faigamalo a lona atunu'u.
E pei o Saina - e iai le maliega a Saina ma Ausetalia mo fesoasoani faa-Konesula i tagatanu'u o atunu'u e 2, ma o se tulaga e ono maua ai e Karm Gilespie fesoasoani mai le malo Ausetalia.
“E aofia i le tu'utu'uga lenei le tiute o le malo Saina e logo le malo Ausetalia i se tagata ua saisaia, moliaga o loo molia ai, tausia faalelei ma faataga feso'ota'iga ma le ofisa Konesula,” saunoa ai Alex Oliver, the Lowy Institute's Director of Research in diplomacy and consular affairs.
O le atunu'u o Iran e le'i saini 'a'ao i le Vienna Convention ma e faaigoaina e Alex o se “rogue state.” O le mafua'aga lea o le matua faigata o le mataupu i moliaga o se tamaita'i sitiseni Ausetalia/Peretania, lea na saisaia i Iran talu mai Setema o le 2018. 
کایلی مور-گیلبرت پس از گذراندن بیش از دوسال زندان در ایران آزاد شد Source: Supplied
Itu'aiga fesoasoani Konesula
E faalagolago i le atunu'u ma le itu'aiga moliaga.
E le mafai e le 'aufaigaluega a le Ofisa Konesula ona tatala se tagata mai le falepuipui. Ae mafai ona latou fesoasoani i le faatulagaina o se loia e talanoa i le gagana Igilisi, ma feso'ota'i se tagata ma lona aiga.
“E iai le manatu sese i nisi o le fesoasoani faa-Konesula o se aia e maua e soo se tagata. E le o se aia. E mafai e le malo Ausetalia ona ofoina le fesoasoani, ma e tele lava ina ofoina," na saunoa ai Alex.
Aga ma talitonuga faatauaina
O le felata'i o talitonuga ma aga faatauaina a se atunu'u ma Ausetalia, o le tai tutusa fo'i lea o le faafoeina o se mataupu i le faamasinoga a lea atunuu i fafo mo tagata Ausetalia.
Ae le o tulafono a Ausetalia, o tulafono lava a lea atunu'u e faamasinoina ai le tagatanu'u Ausetalia o loo molia.
“O le isi faafitauli tele i tagatanu'u Ausetalia e saisaia i falepuipui i atunuu i fafo, o le talitonuga sese, e tatau ona tatala i latou ona o i latou o tagatanu'u Ausetalia, e tatau ona faamasino i latou i lalo o tulafono a Ausetalia ,” na saunoa ai Alex.
“E le o le tulga lena e iai.”
Relationships matter
E taua tele le tulaga o le va fealoa'i o Ausetalia ma se atunuu o loo saisaia ai se tagatanu'u Ausetalia i le taimi e tu'uina mai ai se faai'uga i se tagata Ausetalia o loo saisaia i se falepuipui i fafo.
E tu'uina mai ia Karm Gilespie le faasalaga i le oti, i le taimi o loo masae le laufa'i i le va nonofo o le malo Ausetalia ma le faigamalo i Saina.
I se isi faata'ita'iga o le va o Saina ma seisi atunu'u, ua lata i le 2 tausaga o saisaia i Saina ni tagatanu'u Kanata, Michael Kovrig and Michael Spavor, i ni moliaga o loo talitonuina o se taui ma sui a Saina i le saisaia i Kanata o le faatonu o le Kamupani telefoni a Huawei, Meng Wanzhou.
E mafai fo'i ona oia le va nonofo o atunu'u e 2 i se faai'uga e faia i se tagata.
Ina ua faato'a faataunu'u e Inodonesia le faasalaga i le oti ia Australians Andrew Chan and Myuran Sukumaran in Indonesia in 2015, na tapunia e le malo tele ma to'esea mai lona sui Amapasa mai Jakarta, ma taofia le $600 million i le tausaga o ana fesoasoani i le malo Indonesia.
56-year-old Australian national Karm Gilespie who has been sentenced to death in China. Source: AAP
Feutaga'i i se auala filemu pe auai faasalalauga
E tele lava ina feutaga'i filemu e le malo se mataupu i se tagatanu'u Ausetalia o loo saisaia i se falepuipui i fafo e aunoa le auai iai o le au tusitala ma faasalalau.
E tele ina faitioina malosi i faaslalauga faai'uga i aunu'u i fafo e aofia ai faasalaga i le oti, e pei ona molimauina i le mataupua a Andrew Chan ma Myuran Sukumaran, lea na faataunu'uina o la faasalaga i le oti i Indonesia i le 2015 i moliaga o le fe'avea'ina o vaila'au faasaina.
