Aganu'u Maori e faavae ai se filemu i Bougainville.

I se ata video faato'a faasalalauina e faaigoaina o le Soldiers Without Guns, o loo faaalia ai taumafaiga a le militari a Niu Sila e feutaga'i se filemi i le va o le faigamalo i Papu Niu Kini ma tagata o le motu o Bougainville.

Soldiers Without Guns Source: Supplied

O le vevesi na tula'i mai i le va o le faigamalo i Papua Niu Kini ma nisi o tagatanu'u o Bougainville, na mafua mai i le maina Kopa a le Kamupani Ausetalia o Rio Tinto, lea na tele se tupe na maua ai e Papua Niu Kini ae na matua faaleagaina ai eleele ma vaitafe o Bougainville. O le taua na tula'i mai ai na maliliu ai tagata o Bougainville e lata i le to'a 20,000, ma na i'u ina faaogaina e Papua Niu Kini fitafita totogi poo mercenaries mai le Kamupani Lonetona, le Sandline International. O le tala lenei o loo faaalia i se ata e faaigoaina o le Soldiers Without Guns mai se Kamupani pu'eata mai Niu Sila.