Toe molimauina foi le maliliu o tagata e toatele ina ua tafanaina e seisi i Amerika.

O le faa'upuga masani mai le National Rifle Association i Amerika e faapea mai - pau le auala e taofia ai se tama leaga ma se fana o se tama lelei ma sana fana - ua iloa le vaivai ma le aoga ina ua mafai e se tagata e toatasi ona faaogaina ni fana malolosi e fasiotia ai tagata e toa 58 ma le lata i le toa 500 na manunu'a i Las Vegas. E faapefea ona taofia e se tama lelei ma se fana Stephen Paddock ma ana fana taavili e 'ova i le 10 i le maualuga e 32 fogafale o le faletalimalo?

Over a three-month period, hundreds of guns were handed during the second national gun amnesty since the Port Arthur massacre in 1996 Source: AAP

Ua toe molimauina foi se osofa'iga e faaogaina ai fana i Amerika ma ua maliliu ai ni tagata e toatele.  E toa 58 tagata ua maliliu ma le lata i le toa 500 na manunu'a ina ua tafanaina e le alii o Stephen Paddock i Las Vegas.  O e ua maliliu ma manunu'a o se vaega o tagata na maimoaina se koniseti musika, ae o Stephen Paddock e 4 aso na nofo ai i se potu o se faletalimalo e feagai ma le malae na faia ai le koniseti.  E faapefea e se tagata e toatasi ona tafanaina i le oti ni tagata e toa 58 ma manunu'a ai nisi e lata i le 500?  O le tali e maua i ituaiga fana na ia faaogaina - e 12 fanataavili poo fana masini e faitau selau pulufana i le minute e mafai ona faapaina ai.  Ua toe aioi ai nisi i Amerika e mulimuli i le faata'ita'iga i Ausetalia lea na ao ai fana i se amnesty ina ua tupu mai le faalavelave i Port Arthur i Tasmania i le 1996.