Tu'ua'ia e se pagota leoleo Samoa i le gaoia o le ST$30,000.00.

Ua tu'ua'ia e se pagota leoleo i Samoa i lo latou gaoia o se tupe na maua ina ua pu'eina o ia, o se tasi o pagota e to'alua ia na sosola mai le falepuipui i Tafa'igata.

Auala i le falepuipui tuai i Tafa'igata. Source: Samoa Global News

I le molimau a le pagota o Aniseko Vaelei, na ia ta'ua ai i le faamasinoga e $60,000.00 na la gaoia ma le isi pagota o Pati Chong Nee, lea na la sosola faatasi mai le falepuipui i Tafa'igata ia Fepuari o le tausaga nei. O le tupe na la 'ave faamalosi mai le pisinisi a ni tagata Saina, ma e $40,000.00 na i totonu o lana 'ato i le taimi na pu'eina ai o ia e leoleo. Peita'i e toe faitauina atu ia te ia le tupe i le Ofsia o Leoleo ua na o le $10,000.00.