පන්දුව පලුදු කිරීමේ වරදට හවුල් වූ බව පිළිගත් ඕස්ට්රේලියානු ක්රිකට් නායක Steve Smith ඊයේ නැවත ඕස්ට්රේලියාවේ සිඩ්නි නුවර වෙත පැමිණි අතර ඕස්ට්රේලියාවේ මාධ්ය ඉදිරියේ ජනතාවගෙන් සමාව ඉල්ලා සිටියා . Cricket Australia ආයතනය විසින් ඔහුට මාස 12ක තරග තහනමක් පනවා තිබෙනවා .
මෙහිදී මාද්ය වෙත සංවේදී වෙමින් අදහස් දැක්වූ Smith කියා සිටියේ "මේ තුලින් සියලු දෙනා ට පාඩමක් උගත හැකියි . මට එම වෙනස ඇති කිරීමට හැකි වෙයි කියා සිතනවා. සියලු දෙනාගෙන් මම සමාව ඉල්ලා සිටින අතර නැවත මට ලෝකයේ හොදම ක්රීඩාව වන ක්රිකට් ක්රීඩාවට සම්බන්ධ විය හැකිවෙතැයි මම බලාපොරොත්තු වෙනවා "
ඔහු එම අවස්ථාවේ වැරදි තීරණයක් ගත බව ඔහු පැවසීය .
මීට පෙර මෙවන් දේ කණ්ඩායමේ සිදු නොවුණු බව ඔහු පවසයි .මෙහිදී Smith ගේ පවුලේ සාමාජිකයන් අපහසුවට පත් කිරීම පිළිබදවද ඔහු සංවේදී වූ බවද සදහන්.තමා ගේ නායකත්වය හරිහැටි ක්රියාත්මක කිරීම නොහැකි වූ බව ඔහු මෙහිදී පැවසීය .
එසේම පන්දුව පලුද් කිරීමට යොදා ගත්තේ වැලි කඩදාසි බවත් , ඒ පිළිබද මුලින් තමා පැවසුවේ අසත්යක් බවත් Cameron Bancroft පවසා තිබේ
වෙනත් ක්රීඩකයන් මේ පිළිබඳව දැන සිටියාද යන්න පිළිබද ඔහු අදහස් ප්රකාශ කිරීම සිදු නොකලෙය .
මෙම ක්රීඩකයන්ට ලැබුණු දඩුවම පිළිබඳව නැවත අභියාචනා ඉදරිපත් කිරීමට ඔවුන්ට හැකි වේ යයිද Australian Cricketers' Association සංවිධානය පවසයි
SBS Radio APP (free download)
channel 38 on TV (Australia only)
93.1fm - Victoria
97.7fm - NSW
