පසුගිය සති අන්තයේ රුසියාවේ පැවති ජනාධිපතිවරණය නිරීක්ෂණය කිරීමට එහි සංචාරයක නිරතවූ පාර්ලිමේන්තු මන්ත්රී නාමල් රාජපක්ෂ මහතා මොස්කව් නුවර සිට ඇමෙරිකාවේ හූස්ටන් වෙත යාමට උත්සාහ කළ අවස්ථාවේ ඇමෙරිකන් බලධාරීන් ඊට අවසර නොදුන් බව ඔහුගේ ට්විටර් ගිණුමේ ප්රකාශයට පත් කර තිබේ.
එමිරේට්ස් ගුවන් සේවයට අයත් ගුවන් යානයකින්, මොස්කව් සිට ඇමෙරිකාවේ හූස්ටන් බලා පිටත්ව යෑමට සූදානමින් සිටියදී එම ගුවන් යානයට ඇතුළුවීමට ඉඩ දිය නොහැකි බව එමිරේට්ස් ගුවන් සේවයේ නිලධාරීන් ඔහුට ප්රකාශ කර ඇති අතර ඇමෙරිකානු බලධාරීන් තම ආයතනයට ඒ පිළිබඳ දැනුම් දුන් බවද සඳහන් කර තිබේ.
කෙසේවෙතත්, මෙයට හේතුව තවමත් තමන්ට දැන ගැනීමට නොහැකි වූ බවත් එවැනි තීරණයක් ගැනීමේ පරම අයිතිය ඇමෙරිකාවට ඇති බවත් ඔහු තම ට්විටර් සටහනේ වැඩි දුරටත් දක්වා තිබුණි.
Share
