අර්බුදකාරී අවස්ථා වලදී ත්රස්ත ක්රියා වලට සම්බන්ධ ඡායාරූප, වීඩියෝ සහ ලිපි ලේඛන බෙදාහරිනු ලබන internet domains හෙවත් අන්තර්ජාල බලමණ්ඩල වලට පිවිසීම අවහිර කිරීමට ඔස්ට්රේලියානු මධ්යම රජය සූදානම් වේ.
මේ අතර ඩිජිටල් මාධ්ය හරහා ක්රියාත්මක සමාජ ජාලවල ආරක්ෂණ කටයුතු තව දුරටත් දියුණු කරන ලෙස බල කිරීමට ද මෙම නව නීති හරහා ඔස්ට්රේලියානු මධ්යම රජය සූදානම් වේ.
පසුගිය මාර්තු මාසයේදී සිදුවූ Christchurch වෙඩි තැබීමේ සිදුවීමෙන් අනතුරුව ඔස්ට්රේලියානු සහ නවසීලන්ත මධ්යම රජයන් වෙබ් අඩවි සහ සමාජ ජාල සමාගම් පිළිබඳ පරීක්ෂාකාරී වීම ඉහළ දමා තිබේ.
Christchurch වෙඩි තැබීමේ සිදුවීමෙන් මුස්ලිම් දේවස්ථාන දෙකක ආගමික වතාවත් වල යෙදී සිටි බැතිමතුන් 51 දෙනෙකු ඝාතනයට ලක්විය.
එම වෙඩි තැබීම Facebook හරහා සජීවීව විසුරුවා හැරීමට ද අදාළ ඝාතකයා කටයුතු යොදා තිබුණි.
ත්රස්ත ප්රහාර සහ සිවිල් අර්බුද වාර්තා කිරීමේදී මෙම නව නීති ජනමාධ්ය වෙත බලපාන අයුරු තවමත් අපැහැදිලි තත්ත්වයක ඇති බව වාර්තා වේ.
කෙසේවෙතත්, Facebook, Microsoft, Twitter වැනි තාක්ෂණික සමාගම් මෙන්ම ඔස්ට්රේලියාවේ ක්රියාත්මක Telstra, vodafone සහ optus වැනි දුරකතන සමාගම් මේ පිළිබඳ තම නිර්දේශ ලබන මස අග වන විට ඔස්ට්රේලියානු මධ්යම රජයට ලබාදීමට නියමිත බවද සඳහන්.
ත්රස්තවාදීන්ට සහ ඔවුන්ට අනුබල දෙන උදවියට අන්තර්ජාලය මෙවලමක් කරගැනීමට ඔස්ට්රේලියාව ඉඩ නොදෙන බව සන්නිවේදන සහ සයිබර් කටයුතු පිළිබඳ අමාත්ය Paul Fletche පැවසීය.
ත්රස්ත ක්රියා සහ ප්රචණ්ඩකාරී සිදුවීම් සමාජ මාධ්ය ජාල ඔස්සේ පතුරුවහැරීමට එරෙහිව සෑම රටක්ම ක්රියාමාර්ග ගත යුතුයි
ත්රස්ත ක්රියා සහ අනෙකුත් ප්රචණ්ඩකාරී සිදුවීම් සමාජ මාධ්ය ජාල ඔස්සේ පතුරුවහැරීමට එරෙහිව සෑම රටක්ම ක්රියාමාර්ග ගත යුතු බවට ඔස්ට්රේලියානු අගමැති Scott Morrison මෙවර G-7 සමුළුවේදී අවධාරණය කරයි.
ප්රංශ ජනාධිපති Emmanuel Macron ගෙන් ආරධනාවකට අනුව ප්රංශයේදී පැවැත්වෙන මෙවර G-7 සමුළුව සඳහා අගමැති මොරිසන් ට ආරාධිතයෙකු ලෙස සහභාගී වීමට අවස්ථාව ලැබුණි.
මෙවර සමුළුව අතරවාරයේදී අගමැති මොරිසන් ජපාන අගමැති Shinzo Abe ව මුණ ගැසීමට ද නියමිතය.
ලොව ක්රියාත්මක වන මහා පරිමාන තාක්ෂණික සමාගම් වල සහ ජනප්රිය වෙබ් අඩවි වල සහය නොමැතිව ඔස්ට්රේලියානු අගමැතිවරයාගේ ඉලක්කය සපුරාගත නොහැකි බව තාක්ෂණික විචාරකයෙකු වන Stephen Fenech පවසයි.
