Disability royal commission හෙවත් ඔස්ට්රේලියාවේ ආබාධිත පුද්ගලයින් සහ ඔවුන්ට සේවා සපයන සේවා ආයතන පිළිබඳ සොයාබැලීම පිණිස රාජකීය කොමිසමක් පිහිටුවීම සඳහා යෝජනාව අද දිනයේ (18/02) ඔස්ට්රේලියානු පාර්ලිමේන්තුවේ පහළ මන්ත්රණ සභාවේදී සම්මත වනු ඇතැයි අගමැති Scott Morrison විශ්වාස කරයි.
ආබාධිත පුද්ගලයින් සම්බන්ධ රාජකීය කොමිසම පිහිටුවීමේ යෝජනාවට ලිබරල් සන්ධාන රජය පසුගිය සතියේ ඡන්දය දීමෙන් වැළකී සිටි නමුත් කම්කරු පක්ෂයේ දැඩි විවේචන හමුවේ එම තත්ත්වය වෙනස් වූ බව වාර්තා වේ.
ලිබරල් සන්ධාන රජය ඔස්ට්රේලියානු ජනතාවට වඩා දේශපාලනය පිළිබඳ වදවන බවට කම්කරු පක්ෂය එහිදී චෝදනා කරන්නට විය.
මේ අතර ආබාධිත පුද්ගලයින් වෙනුවෙන් ඔස්ට්රේලියාවේ ප්රධාන පක්ෂ ද්විත්වයම වැරදි සිදුකර ඇති බව ග්රීන්ස් පක්ෂයේ සෙනට් සභික Jordan Steele-John, Sky පුවත් වෙත පැවසීය.
Share
