ඔස්ට්රේලියාවේ ගෝල්ඩ් කෝස්ට් නුවරදී මේ දිනවල පැවැත්වෙන පොදු රාජ්ය මණ්ඩලීය ක්රීඩා උළෙලේ මීටර් 100 X 4 පිරිමි සහය දිවීමේ සුදුසුකම් ලැබීමේ ප්රථම තරගයෙන් තුන්වන ස්ථානය හිමිකරගනිමින් ශ්රී ලංකා මීටර් 100 X 4 පිරිමි සහය දිවීමේ කණ්ඩායම අවසාන මහා තරගය සඳහා සුදුසුකම් ලබා ගැනීමට ඔස්ට්රේලියානු නැගෙනහිර සම්මත වේලාවෙන් අද (13/04) පෙරවරු 11:05 ට සමත් විය.
එම තරගයේදී ශ්රී ලංකා ක්රීඩකයින් තත්පර 39.47 ක කාලයක් වාර්තා කර තිබු අතර ප්රථම ස්ථානයට පත්වූ දකුණු අප්රිකානු ක්රීඩකයෝ තත්පර 38.71 ක කාලයක් වාර්තා කළෝය.
තරගයේ දෙවැනි ස්ථානයට පත් ඕස්ට්රේලියානු ක්රීඩකයින් වාර්තා කළ කාලය තත්පර 38.78 කි.
මීටර් 100 X 4 පිරිමි සහය දිවීමේ අවසාන මහා තරගය ඔස්ට්රේලියානු නැගෙනහිර සම්මත වේලාවෙන් හෙට (14/04) පස්වරු 2.40 ට පැවැත්වීමට නියමිතය.
Share
