ශ්රී ලංකා පාර්ලිමේන්තුවට ඉදිරිපත් කෙරුණු 20 වන ආණ්ඩුක්රම ව්යවස්ථා සංශෝධන කෙටුම්පත අභියෝගයට ලක් කරමින් ශ්රේෂ්ඨාධිකරණයට ඊයේ දිනයේත් පෙත්සම් 21 ක් ඉදිරිපත් කෙරුණි.
මැතිවරණ කොමිසමේ සාමාජික මහාචාර්ය රත්නජීවන් හූල්, එක්සත් ජාතික පක්ෂයේ මහලේකම් අකිල විරාජ් කාරියවසම්, එම පක්ෂයේ නියෝජ්ය නායක රුවන් විජේවර්ධන සහ සමගි ජනබලවේගයේ තරුණ සංවිධානයේ සභාපති මයන්ත දිසානායක ඇතුළු පිරිසක් ඊයේ දිනයේදී පෙත්සම් ගොනු කළ බව වාර්තා වේ.
එම පෙත්සම්වල වගඋත්තරකරු ලෙස නීතිපතිවරයා නම් කර තිබේ.
ඒ අනුව, මේ වනවිට 20 වන සංශෝධනයට එරෙහිව ශ්රේෂ්ඨාධිකරණයට ඉදිරිපත් කර ඇති මුළු පෙත්සම් සංඛ්යාව 39 කි.
මෙම පෙත්සම් අද දින (29/09) ශ්රේෂ්ඨාධිකරණය හමුවේ සලකා බැලීමට නියමිතය.
Share
