මියන්මාරයේ සිට ශ්රී ලංකාවට පැමිණි රෝහින්ග්යා සරණාගතයින් බවට පැවසෙන ගල්කිස්සේ මහල් නිවාස සංකීර්ණයක රැඳී සිටි මුස්ලිම් ජාතිකයින් 30 දෙනා බූස්ස හමුදා කඳවුරට යොමු කර ඇතැයි වාර්තා වේ.
එම ස්ථානයේ ඇති වූ උණුසුම්කාරී තත්ත්වය හේතුවෙන් පොලිස් නිලධාරීන් කිහිප දෙනකුට ද තුවාල සිදුව ඇතැයි පොලිසිය පවසයි.
එම සරණාගතයින් රැඳි සිටි නිවාස සංකීර්ණයට ද හානි සිදුව ඇතැයි පොලිසිය පවසයි.
මේ අතර මියන්මාරයේ සිට පැමිණි රෝහින්ග්යා සරණාගතයින් ශ්රී ලංකාවෙන් පිටත් කරන ලෙසත් රටේ ස්වෛරීභාවය ආරක්ෂා කරදෙන ලෙසත් ඉල්ලමින් සිංහලේ ජාතික බලමුළුව ඇතුළු සංවිධාන ගණනාවක් එකතුව ඊයේ (26/09) කොළඹ පිහිටි එක්සත් ජාතීන්ගේ සංවිධානයේ කාර්යාලයට සංදේශයක් බාර දී ඇත.
එක්සත් ජාතීන්ගේ කොළඹ කාර්යාලය ඉදිරිපිට රැඳී සිටි එම පිරිස ඔවුන්ගේ සංදේශය එහි නිලධාරියකු හමුවී බාරදුන් අතර පසුව එම ස්ථානයේ දී විරෝධතා පුවරු ඔසවමින් සාමකාමී උද්ඝෝෂණයක ද නිරත වූ බව සඳහන්.
