ඔස්ට්රේලියාවේ ද්විත්ව පුරවැසිභාව අර්බුදය හේතුවෙන් තම මන්ත්රී ධුර වලින් ඉවත්වීමට සිදුවූ මන්ත්රීවරුන්ගේ ආසන සඳහා නව නියෝජිතයින් පත් කරගැනීමට අතුරු මැතිවරණ කිහිපයක් පැවැත්වීමට නියමිතව තිබේ.
මෙම අතුරු මැතිවරණ වල දින නියම කිරීම කතානායක Tony Smith සහ මැතිවරණ කොමිසම සතු වගකීමක් බව සන්නිවේදන කටයුතු අමත්ය Mitch Fifield පවසයි.
බටහිර ඔස්ට්රේලියානු ප්රාන්තයේ ආසන වන Perth සහ Fremantle, ක්වීන්ස්ලන්ත ප්රාන්තයේ Longman, ටස්මේනියානු ප්රාන්තයේ Braddon සහ දකුණු ඔස්ට්රේලියානු ප්රාන්තයේ Mayo යන ආසන වල මෙලෙස අතුරු මැතිවරණ පැවැත්වීමට නියමිතය.
අදාළ ආසන වල අතුරු මැතිවරණ ජුලි මාසයේදී පැවැත්වීමට නියමිත වුවත් මෙතෙක් රජය විසින් ඒ සදහා දින ප්රකාශයට පත් කර නොමැති වීම විපක්ෂයේ විවේචනයට ලක් වී තිබේ.
ලිබරල් සන්ධාන රජය හිතාමතා මෙම අතුරු මැතිවරණ කල් දමමින් සිටින බවට කම්කරු පක්ෂයේ ඉදිරි පෙළ මන්ත්රී Anthony Albanese මහතා චෝදනා කරයි.
