ශ්රී ලංකා මහ බැංකු බැදුම්කර වංචාව පිළිබඳ ජනාධිපති කොමිෂන් වාර්තාව නීතිපති වෙත යවන ලෙස දැනුම් දුන් බව අග්රාමාත්ය රනිල් වික්රමසිංහ මහතා ඊයේ (06/01) මහනුවරදී ප්රකාශ කළේය.
මහනුවරට පැමිණි අග්රාමාත්යවරයා ශ්රී දළදා මාලිගාවේදී දන්ත ධාතූන් වහන්සේ වැදපුදා ගත් අතර මල්වතු මහා විහාරයේදී මහා නායක අතිපූජ්ය තිබ්බටුවාවේ ශ්රී සිද්ධාර්ථ සුමංගල හිමියන් බැහැදැක ආශිර්වාද ලබා ගත්තේය.
ඉන් අනතුරුව අස්ගිරි මහා විහාරයට පැමිණ එම පාර්ශවයේ මහා නායක අතිපූජ්ය වරකාගොඩ ඤාණරතන හිමියන් ද බැහැ දුටු අග්රාමාත්යවරයා මහා නායක හිමියන් සමග කෙටි සාකච්ඡාවක නිරත විය.
අනතුරුව මාධ්ය හමුවේ අදහස් දැක්වූ ඒ මහතා සංවර්ධන ක්රියාවලිය සම්බන්ධයෙන් මහා නායක හිමිවරුන් දැනුවත් කොට සාකච්ඡා කළ බව ප්රකාශ කළේය.
බැදුම්කර නිකුතුව සම්බන්ධයෙන් ජනාධිපති කොමිෂන් වාර්තාව පිළිබදව මාධ්ය කළ විමසිමේදී එම වාර්තාව නීතිපතිට යවන ලෙද තමන් කියූ බව ද එහිදී අග්රාමාත්යවරයා කීවේය.
