පා පන්දු පිස්සන්ගේ ලෝක කුසලාන සිහිනය බොඳ කරමින් බෙල්ජියම සහ ප්‍රංශය අවසන් පූර්ව වටයට.

රුසියාවේ මේ දිනවල පැවැත්වෙන 2018 පා පන්දු ලෝක කුසලාන තරගාවලියේ ඊයේ (06/07) අර්ධ අවසන් පූර්ව වටය ආරම්භ විය.

ඒ අනුව ප්‍රංශය සහ උරුගුවේ මෙන්ම බ්‍රසීලය සහ බෙල්ජියමද ඊයේ අර්ධ අවසන් පූර්ව තරග සඳහා මුහුණ දුන්නේය.

එයින් ප්‍රංශය සහ බෙල්ජියම ජය ලබා අවසන් පූර්ව වටයට සුදුසුකම් ලබුවේය.

ප්‍රංශය - උරුගුවේ

ප්‍රංශය සහ උරුගුවේ අතර ඊයේ පැවැති අර්ධ අවසන් පූර්ව තරගයෙන් ප්‍රංශය ගෝල 2-0 ක් ලෙස උරුගුවේ රාජ්‍යය පරාජයට පත් කරමින් අවසන් පූර්ව වටයට සුදුසුකම් ලබුවේය.

බ්‍රසීලය - බෙල්ජියම

කොයි කවුරුත් බලාපොරොත්තු තබා සිටි බ්‍රසීලය ඊයේ පැවති අර්ධ අවසන් පූර්ව තරගයෙන් ඉවත් කර දැමීමට බෙල්ජියම සමත් විය.

ඒ ගෝල 2-1 ක් ලෙසිනි.

අද (07/07) දිනයේදී රුසියාව සහ ක්‍රොයේෂියාව ද එංගලන්තය සහ ස්වීඩනයද අර්ධ අවසන් පූර්ව තරග සඳහා මුහුණ දීමට නියමිතය.