එංගලන්තයේදී පැවැත්වෙන මෙවර අළු බඳුන ටෙස්ට් තරගාවලියේ අවසන් ටෙස්ට් තරග දෙක විනිශ්චය කිරීම සඳහා ශ්රී ලංකාවේ විනිසුරුවන් වන කුමාර් ධර්මසේන සහ රුචිර පල්ලියගුරුගේ ICC ය විසින් හදිසියේ කැඳවා තිබේ.
ඒ අනුව හෙට දිනයේ එංගලන්තයේ Old Trafford හිදී ආරම්භවන සිව්වන ටෙස්ට් තරගයේදී මෙන්ම Oval පිටියේදී පැවැත්වෙන අවසන් ටෙස්ට් තරගයේදී ද කුමාර් ධර්මසේන දකුණු අප්රිකානු විනිසුරු Marais Erasmus සමග පිටිය මධ්යයේ කටයුතු කරනු ඇත.
එමෙන්ම රුචිර පල්ලියගුරුගේ තුන්වන විනිසුරු ලෙස කටයුතු කිරීමට නියමිත බවද වාර්තා වේ.
ශ්රී ලංකාවේ කුමාර් ධර්මසේන සහ දකුණු අප්රිකාවේ Marais Erasmus මෙවර එංගලන්තයේ පැවති එක් දින ක්රිකට් ලෝක කුසලාන තරගාවලියේ අවසන් මහා තරගයේ විනිසුරුවන් ලෙසද කටයුතු කරනු ලැබුහ.
මෙවර අළු බඳුන ටෙස්ට් තරගාවලියේ පසුගිය තරග වලදී විනිසුරුවරුන්ගේ වැරදි තීරණ කිහිපයක් හේතුවෙන් තරගයේ අවසාන තීරණය වෙනස් වීමට ඒවා ප්රබල ලෙස බලපෑ බව ක්රිකට් ප්රවීණයින් පවසා තිබුණි.
මෙම විනිසුරු සංශෝධනයට එය තදින්ම බලපෑ ඇති බව ඒ අනුව බොහෝ දෙනා විශ්වාස කරයි.
