ලෝක කුසලාන ක්රිකට් තරගාවලියේ 15 වැනි තරගය ලෙස දකුණු අපිකාව සහ බටහිර ඉන්දීය කොදෙව් දූපත් අතර සදම්ප්ටන්හි හැම්ප්ෂයර් බෝල් ක්රීඩාංගණයේදී ඊයේ (10/06) පැවති තරගයට වර්ෂාවෙන් බාධා එල්ල වීම නිසා තරාගය අත්හැර දැමීමට විනිසුරුවෝ තීරණය කළහ.
කාසියේ වාසිය දිනූ බටහිර ඉන්දීය කොදෙව් කණ්ඩායමේ නායක ජේසන් හෝල්ඩර් පළමුවෙන් පන්දු යැවීමට තීරණය කළ අතර ඕවර 7.3 ක් අවසානයේ වර්ෂාව ඇද හැළීම හේතුවෙන් තරගය නතර කිරීමට සිදුවිය.
ඒ වන විට පන්දුවට පහරදෙමින් සිටි දකුණු අපිකාව කඩුලු 2 ක් දැවී ලකුණු 29 ක් ලබා සිටියේය.
තරගය නතර කරන විට ක්වින්ටින් D කොක් ලකුණු 17 ක් ලබා නොදැවී පන්දුවට පහරදෙමින් සිටි අතර නායක ඩුප්ලෙසි ලකුණු නොලබා කඩුල්ලේ රැඳී සිටියේය.
මෙම තරගය දකුණු අප්රිකාවට අනිවාර්යෙන්ම ජයග්රහණය කළ යුතුව තිබූ තරගයක් විය.
ඒ අනුව දෙපිළටම ප්රසාද ලකුණු 1 බැගින් හිමි වූ අතර මේ වන විට 2019 එක් දින ක්රිකට් ලෝක කුසලාන තරගාවලියේ සමස්ත ප්රසාද ලකුණු සටහන පවතින්නේ පහත අයුරිනි.
මේ අතර ශ්රී ලංකාව සහ බංග්ලාදේශ කණ්ඩායම් අතර තරඟය අද (11/06) ආරම්භවීමට නියමිතය.
මෙම තරඟය බ්රිස්ටල් ක්රීඩාංගණයේදී ඕස්ට්රේලියානු නැගෙනහිර සම්මත වේලාවෙන් අද රාත්රී 7.30 ට ආරම්භවීමට නියමිතය.
පුහුණුවීම් අතරතුරදී සුළඟිල්ලේ ඇතිවූ අබාධයක් හේතුවෙන් වේග පන්දු යවන ක්රීඩක නුවන් ප්රදීප් හට අද තරඟයට සහභාගිවීමට නොහැකි වෙයි.
ශ්රී ලංකාව සහ බංග්ලාදේශ කණ්ඩායම් දෙකම මේ වන විටත් ක්රිකට් ලෝක කුසලාන තරගාවලියේ මීට පෙර තරඟ 3 කට සහභාගිවී ඇති අතර කණ්ඩායම් දෙකම එක් තරඟය බැගින් ජයග්රහණය කොට තිබේ.
