එක්සත් ජාතීන්ගේ මානව හිමිකම් පිළිබඳ මහ කොමසාරිස්වරියගේ වාර්තාව ශ්‍රී ලංකාව පිළිගෙන ඇත්තේ ජනාධිපතිවරයාගේ අනුමැතියකින් තොරවයි : උතුරු පළාත් ආණ්ඩුකාර සුරේන් රාඝවන්.

එක්සත් ජාතීන්ගේ මානව හිමිකම් පිළිබඳ මහ කොමසාරිස් මිෂෙල් බැචල්  ශ්‍රී ලංකාව සම්බන්ධයෙන් ඉදිරිපත් කරන ලද වාර්තාව ජනාධිපති මෛත්‍රීපාල සිරිසේන මහතාගේ අනුමැතියකින් තොරව පිළිගෙන ඊට ප්‍රතිචාර දක්වා තිබූ බව උතුරු පළාත් ආණ්ඩුකාර ආචාර්ය සුරේන් රාඝවන් මහතා පැවැසීය.

බත්තරමුල්ල පළාත් ආණ්ඩුකාරවරයාගේ නිල නිවසේ ඊයේ (25/03) පැවැති මාධ්‍ය හමුවකදී උතුරු පළාත් ආණ්ඩුකාර ආචාර්ය සුරේන් රාඝවන් මහතා මේ බව  සඳහන් කළේය.

එක්සත් ජාතීන්ගේ මානව හිමිකම් පිළිබඳ මහ කොමසාරිස්වරියගේ වාර්තාව ශ්‍රී ලංකා ජනාධිපතිවරයාට ඉදිරිපත් නොකර තනි තීරණ ගනිමින් එසේ කළේ කවුරුන් ද යන්න සොයා බැලිය යුතු බව ද උතුරු පළාත් ආණ්ඩුකාරවරයා කීවේය.