සාගල රත්නායක මහතා විසින් ශ්රී ලංකාවේ නීතිය හා සාමය පිළිබඳ අමාත්ය ධුරයෙන් ඉල්ලා අස්වීමත් සමග එම ධුරය ජෙනරාල් සරත් ෆොන්සේකා මහතා හට ලබා දිය යුතු බව පුරවැසි බලය සංවිධානයේ සම කැඳවුම් කරු දඹර අමිල හිමියෝ පැවැසූහ.
ඊයේ (15/02) කොළඹදී පැවති මාධ්ය හමුවකදී එහිමියෝ මේ බව පැවසූහ.
සරත් ෆොන්සේකා මහතා බිය නැති කාර්යක්ෂම පුද්ගලයෙකු බවත් එනිසාම සය මසක් ගතවෙත්ම "හොරු අල්ලා දෙනු ඇති" බවත් අමිල හිමියෝ එහිදී කියා සිටියහ.
රාජපක්ෂ පාලනයේදී දූෂණ හා වංචා සිදු කළ පුදගලයින් සොයා යන ගමනේදී පොලීසිය හා ආරක්ෂක අංශ සීරුවෙන් තැබිය යුතු බවද උන්වහන්සේ පැවසූහ.
එමෙන්ම දුමින්ද දිසානායක මහතා කෘෂිකර්ම අමාත්යධුරයෙන් වහාම ඉවත් කරන ලෙසද දඹර හිමියෝ රජයට බලපෑම් එල්ල කළහ.
Share
