වික්ටෝරියානු ප්‍රාන්තයේ හෝටල් නිරෝධායන වැඩසටහන පිළිබඳ සිදු කෙරෙන විමර්ශනය හමුවේ අද වික්ටෝරියානු සෞඛ්‍ය දෙපාර්තමේන්තුවේ වසංගත රෝග විද්‍යාඥයෙකු වන වෛද්‍ය Charles Alpren පෙනී සිටීමට නියමිතය.
COVID-19 වයිරසයේ ස්වභාවය, ආසාදන පාලනය, COVID-19 ආසාදිතයින් සොයා ගැනීම සහ ජානමය පරීක්ෂණ පිළිබඳව සාක්ෂි ඔහු විසින් එහිදී ලබා දෙනු ඇත.
වික්ටෝරියානු ප්‍රාන්තයේ කොරෝනා දෙවැනි රැල්ලට 99% ක්ම වගකිව යුත්තේ විදෙස් ගතව සිට වික්ටෝරියානු ප්‍රාන්තයට පැමිණ හෝටල් වල නිරෝධායනය වූ පුද්ගලයින් බව ඊයේ මෙම කමිටුව හමුවේ පෙනී සිටිමින් Doherty ආයතනයේ ජානමය අනුක්‍රමික ඒකකයේ මහාචාර්ය Ben Howden පැවසීය.
හෝටල් නිරෝධායන වැඩසටහනේ නීති තුන් වරක් උල්ලංඝනය කිරීමෙන් අනතුරුව මෙම වයිරසය වික්ටෝරියානු ප්‍රාන්තයේ ප්‍රජාව අතරට නැවත එක්වී ඇති බවද ඔහු එහිදී පැහැදිලි කළේය.
