ඔස්ට්රේලියාවේ පාසල් වල පවත්වන NAP-LAN පරීක්ෂණයේ අනාගතය පිළිබඳ සාකච්ඡා කිරීමට ඔස්ට්රේලියාවේ සියලු ප්රාන්ත හා ටෙරිටරි අධ්යාපන අමාත්යවරු අද (22/06) රැස්වීමට නියමිතය.
මෙතෙක් කලක් පැවති NAP-LAN පරීක්ෂණය අන්තර්ජාලය ඔස්සේ පැවැත්වීමට බලධාරීන් යෝජනා කර ඇති අතර ඊට සහය ලබා දෙන ලෙස ඔස්ට්රේලියාවේ සියලු ප්රාන්ත හා ටෙරිටරි අධ්යාපන අමාත්යවරුන් හට පීඩනයක් එල්ලවෙමින් පවතී.
කෙසේවෙතත්, NAP-LAN පරීක්ෂණය අන්තර්ජාලය ඔස්සේ පැවැත්වීම වර්ජනය කරන ලෙසට ඡන්දය ලබා දෙන ලෙස ක්වීන්ස්ල්නත ගුරුවරුන්ගේ වෘත්තීය සමිති සාමාජිකයින් ඉල්ලා සිටියි.
වසර 10 ක් පැරණි දැනට පවතින NAP-LAN පරීක්ෂණ ආකෘතිය වෙනස් විය යුතු බවට බොහෝ දෙනා මත පළ කරයි.
මේ අතර NAP-LAN පරීක්ෂණ ආකෘතිය පිළිබඳ නැවත විමසා බැලීමකට සිදු කළ ඉල්ලීමට තමන් සහය දෙන බව විපක්ෂයේ අධ්යාපනය පිළිබඳ නියෝජිතවරිය වන Tanya Plibersek පැවසුවාය.
කෙසේවෙතත්, NAP-LAN පරීක්ෂණයේ අනාගතය කෙසේ විය යුතු දැයි තමන් විවෘතව සාකච්ඡා කිරීමට ඕනෑම වෙලාවක සූදානම් බව ඔස්ට්රේලියානු මධ්යම රජයේ අධ්යාපන අමාත්ය Simon Birmingham පවසයි.
