අළු බඳුන පළමු ටෙස්ට් තරගය : ඔස්ට්‍රේලියාව පළමු ඉනිම අරඹයි.

සංචාරක එංගලන්ත කණ්ඩායම සහ ඔස්ට්‍රේලියානු කණ්ඩායම අතර පැවැත්වෙන අළු බඳුන ටෙස්ට් තරගාවලියේ පළමු තරගයේ දෙවැනි දිනය වන අද (24/11) දිනය නිමා වන විට ඔස්ට්‍රේලියානු කණ්ඩායම සිය පළමු ඉනිම වෙනුවෙන් කඩුලු 4 ක් දැවී ලකුණු 165 ක් රැස් කරගෙන සිටියි.

ඔස්ට්‍රේලියානු නායක ස්ටීව් ස්මිත් නොදැවී ලකුණු 64 ක් හා ෂෝන් මාෂ් නොදැවී ලකුණු 44ක් ලබා ගනිමින් කඩුල්ලේ රැදී සිටිති.

කාසියේ වාසිය දිනු එංගලන්ත කණ්ඩායම සිය පළමු ඉනිම වෙනුවෙන් සියල්ලන් දැවී ලකුණු 302 ක් රැස් කළේය.

මෙම තරගය බ්‍රිස්බන් නුවර ගබා ක්‍රීඩාංගනයේදී පැවැත්වෙන අතර හෙට තරගයේ තුන්වන දිනය වේ.