ඔස්ට්රේලියානු තරුණ පරපුර වඩාත් උනන්දු වන මාතෘකාව බවට නීති විරෝධී සංක්රමණිකයින්ගේ ප්රශ්නය පත්ව ඇතැයි නවතම පර්යේෂණයකින් හෙළිවී තිබේ.
මීට අමතරව නිවාස ඉදිකිරීම හා බදු සංශෝධන වලට වඩා කාලගුණික විපර්යාසයන් සහ සම විවාහ අයිතීන් පිළිබඳ ඔස්ට්රේලියානු තරුණ පරපුර උනන්දුවක් දක්වන බවද එම පර්යේෂණයෙන් අනාවරණය වී තිබේ.
වයස අවුරුදු 12ත් 25ත් අතර තරුණ තරුණියන් 3369ක් යොදාගනිමින් සිදු කළ මෙම පර්යේෂණය සඳහා 3369ක් සහභාගී වී ඇත.
තරුණ තරුණියන්ට නිතරම පාහේ එල්ලවන චෝදනාවක් වන්නේ රටේ ඇතිවන දේශපාලනික කාරණා වලදී ඔවුන් උදාසීන ප්රතිචාර දක්වන බවයි.
නමුත් තරුණ කටයුතු පිළිබඳ විධායක කේටි ඒක්සන් පවසන පරිදි ජාතික වැදගත්කමක් උසුලන කාරණා වලදී සහ තමන්ගේ ජීවිත වලට මෙන්ම රටේ ආර්ථිකයට බලපාන කාරණා පිළිබඳව තරුණ තරුණියන් දක්වන්නේ කැපී පෙනෙන උනන්දුවක් බවයි.
ඉහත පර්යේෂණයට අනුව 21%කගේ ප්රමුඛ උනන්දුව නීති විරෝධී සංක්රමණිකයින්ගේ ප්රශ්නය බව වාර්තා වෙයි. මීට අමතරව 19%ක් සම විවාහ අයිතීන් පිළිබඳවද 16%ක් කාලගුණික විපර්යාසයන් පිළිබඳවද උනන්දුවක් දක්වන බවද වාර්තා වෙයි.
මීට අමතරව තම ඡන්දය ලබා දෙන පක්ෂ පිළිබඳ කළ විමසුමේදී 38%ක් ග්රීන්ස් පක්ෂයටද 34%ක් කම්කරු පක්ෂයටද 22%ක් ලිබරල් සභාගයටද ලබා දෙන බව හෙළිවී තිබේ.
