එළබෙන සති අන්තයේ ඕස්ට්රේලියාවේ පැවැත්වීමට නියමිත අතුරු මැතිවරණ (Super Saturday of by-elections) වලදී, ක්වීන්ස්ලන්ත ප්රාන්තයේ Longman සහ ටස්මේනියානු ප්රාන්තයේ Braddon ආසන කම්කරු පක්ෂය පරාජය වනු ඇති බවට නවතම සමීක්ෂණ වාර්තාවක් අනාවැකියක් පල කර තිබේ.
NewsCorp ආයතනය මගින් මෙම සමීක්ෂණ වාර්තාව එලි දක්වා ඇති අතර, සියට 49 ට 51 ක් ලෙස Longman, ආසනය වත්මන් ඕස්ට්රේලියානු ලිබරල් සන්ධාන රජය ජයගනු ඇති බව මෙම සමීක්ෂණ වාර්තාව සදහන් කරයි. මීට පෙර පවතී මැතිවරණයේදී මෙම ආසනය කම්කරු පක්ෂයේ Susan Lamb විසින් ජයග්රහණය කිරීමට සමත් විය.
තවද ටස්මේනියානු ප්රාන්තයේ Braddon ආසනය තුල, ප්රධාන පක්ෂ දෙකේ ජනප්රියභාවය සම තත්වයේ පැවතියද බොහෝ විට ලිබරල් අපේක්ෂක Brett Whiteley එම ආසනය ජයගනු ඇති බවට අනාවැකි පලවී තිබේ. මෙම ආසනයද 2016 වසරේ කම්කරු පක්ෂ අපේක්ෂකයා විසින් ජයග්රහණය කල ආසනයක් වීම විශේෂ සිදු වීමක්.
යම් හෙයකින් මෙම අතුරු මැතිවරණ වලදී සන්ධාන රජය මෙම ආසන ජයගතහොත්, විපක්ෂය සතුව පැවති ආසනයක් පාලක පක්ෂය විසින් අතුරු මැතිවරණයකදී ජයගන්නේ වසර 100කට පසුව වීමද සුවිශේෂිත්වයක්.
