අප්‍රේල් 29 තුළ ඔස්ට්‍රේලියාවෙන් වාර්තා වූ කොරෝනා ආසාදිතයින් සංඛ්‍යාව 15 ක් වෙයි

Coronavirus Source: Pixabay

ඊයේ දිනය (29/04) අවසන් වන විට ඔස්ට්‍රේලියාවේ වාර්තා වූ මුළු කොරෝනා ආසාදිතයින් සංඛ්‍යාව 6,746 ක් ලෙස දැක්විණි.

ඊයේ දිනයේදී පමණක් සමස්ත ඔස්ට්‍රේලියාවෙන් වාර්තා වූ කොරෝනා ආසාදිතයින් සංඛ්‍යාව 15 කි.

දකුණු ඔස්ට්‍රේලියානු ප්‍රාන්තය, Australian Capital Territory සහ Northern Territory තුළින් පසුගිය දින පහේම අලුතින් කොරෝනා ආසාදිතයෙකු වාර්තා නොවීම කැපී පෙනෙන සිදුවීමකි.

මේ වන විට ඔස්ට්‍රේලියාවෙන් කොරෝනා මරණ 89 ක් වාර්තා වේ.

වාර්තා වන 6,746 ක් වූ මුළු කොරෝනා ආසාදිතයන්ගෙන්  5,667 දෙනෙකු මේ වන විට සුවය ලබා ඇති බවද සඳහන්.