එක්සත් ජාතීන්ගේ මානව හිමිකම් කොමිසමේ නව ත්රෛ වාර්ෂික වාරයේ සාමාජික ධුරයට පත් ඔස්ට්රේලියාව අද සිට තම ධුරයේ වැඩ කටයුතු ආරම්භ කරයි.
පසුගිය ඔක්තෝබර් මාසයේදී ඔස්ට්රේලියාව ඇතුළු රටවල් 15 ක් අදින් ඇරඹෙන වසර තුනක කාලය උදෙසා එක්සත් ජාතීන්ගේ මානව හිමිකම් කොමිසමට තේරී පත් විය.
මේ හේතුවෙන්ම සරණාගතයින් පිළිබඳ ඔස්ට්රේලියාවේ දැනට ක්රියාත්මක කෙරෙන ප්රතිපත්ති පිළිබඳ සියුම් නිරීක්ෂණයක යෙදිය යුතු බව ඔස්ට්රේලියාවේ හිටපු ශ්රේෂ්ඨාධිකරණ විනිසුරු Michael Kirby පවසයි.
සරණාගතයින් රඳවා තබා ගැනීම සඳහා ඔස්ට්රේලියාව පවත්වාගෙන යන රටින් පිට සරණාගත රැඳවුම් මධ්යස්ථාන පිළිබඳ එක්සත් ජාතීන්ගේ සංවිධානය මීට පෙර වාචිකව විවේචන ඉදිරිපත් කර තිබුණි.
එනිසාම මේ වසරේදී එම විවේචන වලට මුහුණ දීම සඳහා ඔස්ට්රේලියාව වඩා හොඳින් සූදානම් විය යුතු බව Michael Kirby, A-B-C පුවත් සේවයට පැවසීය.
