මෙවර ඕස්ට්රේලියානු විවෘත ටෙනිස් තරගාවලියේ අවසන් අදියරේ තරග මේ වන විට ක්රියත්මක අතර, ප්රධාන තරගාවලියට සමගාමිව පැවැත්වෙන රෝද පුටු ටෙනිස් තරගාවලියද ඊයේ (24දා ) ආරම්භ විය. මෙම තරගාවලිය සදහා ලොව රටවල් 10 කින් ක්රීඩක ක්රීඩිකාවන් 20 දෙනකු සහභාගී වන බව සදහන්. රෝද පුටු ටෙනිස් ක්රීඩාවට ඇත්තේ අවුරුදු 26ක් වැනි ඉතා කෙටි ඉතිහාසයක් වන අතර, පළමු වතාවට එය පැරාලිම්පික් ක්රීඩා උළෙලට ඇතුලත්ව තිබෙන්නේ 1992 වසරේදී බව සදහන්.
මෙවර ඕස්ට්රේලියානු විවෘත ටෙනිස් තරගාවලියේ ප්රධාන තරගාවලියේ ත්යාග මුදල් ප්රමාණයද 10% කින් වැඩි කරමින් එය ඕස්ට්රේලියානු ඩොලර් මිලියන 55 දක්වා වැඩි කිරීමට තරග සංවිධායකයින් තීරණය කල අතර, රෝද පුටු ටෙනිස් තරගාවලියේද ත්යාග මුදල් ප්රමාණය ඩොලර් 200,000 දක්වා මේ වසරේ වැඩි කිරීමට ඔවුන් තීරණය කර තිබේ. ලැබෙන ත්යාග මුදල් ප්රමාණය ප්රධාන තරගාවලියේ දී ලැබෙන ත්යාග මුදල් සමග සංසන්දනය කිරීමේදී අඩු මුදලක් වුවද මේ ආකාරයෙන් ප්රධාන පෙලේ ග්රෑන්ඩ් ස්ලෑම් ටෙනිස් තරගාවලියක රෝද පුටු ටෙනිස් ක්රීඩාවට තැනක් ලැබීම එම ක්රීඩාව ලද ජයග්රහණයක් බව විචාරක මතයයි.
