ශ්‍රී ලංකාව සහ බටහිර ඉන්දීය කොදෙව් කණ්ඩායම අතර ඊයේ සූරිය වැව මහින්ද රාජපක්ෂ ක්‍රීඩාංගනයේදී පැවති දෙවැනි එක් දින ජාත්‍යන්තර තරගයෙන් ලකුණු 161 ක දැවැන්ත ජයක් ලබාගැනීමට ශ්‍රී ලංකාව සමත් විය.
කාසියේ වාසිය දිනූ කොදෙව් කණ්ඩායම පළමුවෙන් පන්දුවට පහර දීමට ශ්‍රී ලංකාවට ආරාධනා කළ අතර නියමිත පන්දු වාර 50 අවසානයේ කඩුලු 8 කට ලකුණු 345 ක් ලබාගැනීමට ඔවුන්ට හැකි විය.
එහිදී අවිශ්ක ප්‍රනාන්දු ලකුණු 127 ක් ද කුසල් මෙන්ඩිස් ලකුණු 119 ක් ද ලබාගනිමින් ශ්‍රී ලංකා ඉනිම ශක්තිමත් කළෝය.
ජයග්‍රාහී ලකුණු 346 ක ඉලක්කයක් හඹා යාමට පිටියට පිවිසි කොදෙව් කණ්ඩායම ලකුණු 184 කට සීමා කිරීමට ශ්‍රී ලංකා පන්දු යවන්නෝ සමත් වූහ.
ශ්‍රී ලංකාව වෙනුවෙන් වනිදු හසරංග සහ ලක්ෂාන් සඳකැන් කඩුලු 3 බැගින්ද නුවන් ප්‍රදීප් කඩුලු 2 ක්ද බිඳ හෙළීය.
තරගයේ වීරයා සම්මානය අවිශ්ක ප්‍රනාන්දු හට හිමි විය.
දෙරට අතර පැවැත්වෙන තුන්වන සහ අවසන් එක් දින තරගය එළඹෙන මාර්තු 01 වන දින මහනුවර පල්ලෙකැලේ ක්‍රීඩාංගනයේදී පැවැත්වීමට නියමිතය.
