උතුරු කොරියාවට තවත් සම්බාධක පනවන්නට එක්සත් ජාතීන්ගේ ආරක්ෂක කවුන්සිලය ඒකමතිකව තීන්දු කරයි.

මේ දිනවල පැවැත්වෙන එක්සත් ජාතීන්ගේ මහා මණ්ඩල සැසිවාරයට සමගාමීව ඊයේ පැවැත්වුණු එක්සත් ජාතීන්ගේ ආරක්ෂක කවුන්සිල රැස්වීමේදී උතුරු කොරියාවට තවත් සම්බාධක පැනවීමට තීරණය කෙරුණු අතර ඒ සඳහා ඔස්ට්‍රේලියාවේද පූර්ණ සහය හිමි වී තිබේ.

උතුරු කොරියාවේ හිතුවක්කාරී න්‍යෂ්ඨික අත්හදා බැලීම් සම්බන්ධව දකුණු කොරියානු ජනාධිපති Moon Jae-in සමග ඔස්ට්‍රේලියානු අගමැති මැල්කම් ටර්න්බුල් සකච්ඡා පවත්වා පැය කිහිපයකට පසුව මෙම ඒකමතික තීන්දුව ගෙන තිබේ.

15 දෙනෙකුගෙන් සැදුම්ලත් මෙම කවුන්සිලය 2006 වසරේ පටන් උතුරු කොරියාව හට ඒකමතිකව සම්බාධක පැනවූ 9 වන වාරය මෙය බවද වාර්තා වේ.