2019 එක් දින ක්රිකට් ලෝක කුසලාන තරගාවලියේ පළමු වටය යටතේ ඊයේ (05/06) පැවති 9 වන තරගයෙන් බංග්ලාදේශය පරදා කඩුලු 2 ක ජයක් ලබාගැනීමට නවසීලන්ත කණ්ඩායම සමත් විය.
කාසියේ වාසිය දිනූ නවසීලන්තය ප්රථමයෙන් පන්දුවට පහර දීමට බංග්ලාදේශය ට ආරාධනා කළ අතර එහිදී ඔවුන් පන්දුවාර 49 යි පන්දු 2 කදී සියලු දෙනා දැවී ලකණු 244 ක් රැස් කළේය.
බංග්ලාදේශය වෙනුවෙන් Shakib Al Hasan ලකුණු 64 ක් ලබාගත්තේය.
ජයග්රාහී ලකුණු 245 ක ඉලක්කයක් හඹා යාමට පිළිතුරු ඉනිම ඇරැඹු නවසීලන්ත කණ්ඩායම පන්දුවාර 47 යි එක් පන්දුවකදී කඩුලු 8 ක් දැවී ලකුණු 248 ක් ලබාගනිමින් තරගයේ ජය සනිටුහන් කළේය.
එහිදී නොදැවී නවසීලන්තය වෙනුවෙන් Ross Taylor ලකුණු 82 ක් ද නායක Kane Williamson ලකුණු 40 ක්ද ලබාගත්තේය.
තරගයේ වීරයා සම්මානය නවසීලන්තයේ Ross Taylor හට හිමි විය.
මේ තරගයෙන් අනතුරුව නවසීලන්තය සහභාගී වූ තරග දෙකම ජයගෙන මෙවර ලෝක කුසලාන තරගාවලියේ ප්රසාද ලකුණු සටහනේ පෙරමුණ ගෙන සිටින අතර බංග්ලාදේශය සහභාගී වූ තරග 2 න් එකක් පමණක් ජයගෙන ප්රසාද ලකුණු සටහනේ 6 වන ස්ථානයේ පසුවෙයි.
