නෛතික ක්රමෝපායන් සම්පූර්ණ වීමෙන් පසු ජනගත කිරීමට නියමිත ශ්රී ලංකාවේ නව උප්පැන්න සහතිකය නව අංග කිහිපයකින් සමන්විත බව රෙජිස්ටාර් ජෙනරාල් දෙපාර්තමේන්තුව පවසයි.
ජාතික උප්පැන්න සහතිකය යන නමින් එය නම් කෙරේ.
මීට පෙර උප්පැන්න සහතිකයේ අන්තර්ගත වූ දෙමාපියන් විවාහකද යන කොටස මෙම ජාතික උප්පැන්න සහතිකයෙන් ඉවත් කෙරෙන අතර එය භාෂා ද්විත්වයෙන්ම සකස් කෙරෙනු ඇත.
රෙජිස්ට්රර් ජෙනරාල්ගේ අත්සනින් යුක්තව නිකුත් කරනු ලබන මෙම නව උප්පැන්න සහතිකයේ යමෙකුගේ උපතේ දී ලබා දෙන අනන්යතා අංකය ද ඇතුළත් කෙරෙයි.
මෙම ජාතික උප්පැන්න සහතිකය මුද්රණය වන්නේ වඩාත් ආරක්ෂිත කඩදාසියක ඩිජිටල් ක්රමයට බවද රෙජිස්ටාර් ජෙනරාල් දෙපාර්තමේන්තුව පවසයි.
ක්ෂණික ප්රතිචාර කේතයක්, කේත අංකයක්, දිය සලකුණ හා හොලෝ ග්රෑම් ස්ටිකරයකින්ද එය සමන්විත වේ.
ආගම පිළිබද විස්තර ජාතික උප්පැන්න සහතිකයට ඇතුලත් කර නොමැති අතර ජාතිය යන්න වෙනුවට දෙමාපියන්ගේ ජාතිකත්වය ඇතුලත් කර ඇති බව ද පැවසේ.
ජාතික උප්පැන්න සහතිකයේ ආදර්ශ පිටපතක්
