යුද්ධයේ අවසන් අදියරේදී යුද අපරාධ සිදු කළායැයි චෝදනා යටතේ බ්රසීලයේ ශ්රී ලංකා තානාපති ජගත් ජයසූරිය මහතාට එරෙහිව දකුණු ඇමෙරිකානු රටවල් හයක මානව හිමිකම් සංවිධාන කිහිපයක් එක්ව ජාත්යන්තර අධිකරණයේ නඩු පවරා ඇතැයි වාර්තා වේ.
බ්රසීලය , කොළොම්බියාව , ආර්ජන්ටිනාව ,චිලී ,පේරු සහ සූරිනේම් යන දකුණු ඇමෙරිකා රටවල් හි ක්රියාත්මක මානව හිමිකම් සංවිධාන කිහිපයක් විසින් මෙලෙස ශ්රී ලංකා තානාපතිවරයාට එරෙහිව නඩු පැවරීමට පියවර ගෙන ඇත.
යුද්ධයේ අවසන් අදියරේදී වන්නි ආරක්ෂක ආඥාපතිව සිටියදී ඔහුගේ යුද කණ්ඩායම් විසින් උතුරේ පුද්ගලයින් ඇතුරුදන් කරවීම් ,පුද්ගලයින්යට වද හිංසා පැමිණවීම, රෝහල් වලට ප්රහාර එල්ල කර ඝාතනය කිරීම ආදී සිද්ධීන් සම්බන්ධයෙන් වගකිව යුතු යැයි පවසමින් ජනරාල් ජගත් ජයසූරිය මහතාට එරෙහිව නඩු පවරනු ලැබ තිබේ.
ජනරාල් ජගත් ජයසූරිය මහතා යුද හමුදා සේවයෙන් විශ්රාම ගැනීමෙන් පසුව ඉකුත් 2015 වසරේදී බ්රසීලයේ ශ්රී ලංකා තානාපති ධූරයට පත් කෙරුණු අතර ඊට අමතරව ඔහු කොළොම්බියාව ,පේරු ,චිලී ,ආර්ජන්ටිනාව සහ සූරිනේම් යන රටවල් හීද තානාපතිවරයා ලෙස කටයුතු කරයි.
