මේ වන විට නිව් සවුත් වේල්ස් ප්රාන්තයේ අවන්හල්, ආපනශාලා හා තැබෑරුම් වෙත පනවා ඇති කොරෝනා නීති කායවර්ධන මධ්යස්ථාන වෙතද පැනවීමට ප්රාන්ත රජය තීරණය කර තිබේ.
ඊයේ (29/07) රාත්රිය වන විට නිව් සවුත් වේල්ස් ප්රාන්තයෙන් අලුතින් කොරෝනා ආසාදිතයින් 19 දෙනෙකු වාර්තා වීමත් සමග මෙම තීරණය ගෙන ඇත.
ඉන් ආසාදිතයින් 10 දෙනෙකුම Wetherill Park හි පිහිටි Thai Rock අවන්හල ආශ්රිතව හටගෙන තිබෙන කොරෝනා පොකුරට සම්බන්ධ බව සඳහන්.
එම කොරෝනා පොකුරේ ආසාදිතයින් සංඛ්යාව මේ වන විට 85 දක්වා වැඩිවී තිබේ.
ඊයේ උදෑසන වන විට වාර්තා අලුතින් වූ කොරෝනා ආසාදිතයින් 19 දෙනාගෙන් තවත් හත් දෙනෙකු Potts Point හි පිහිටි Thai Rock අවන්හල ආශ්රිතව හටගෙන තිබෙන කොරෝනා පොකුරට සම්බන්ධ බව වාර්තා වේ.
මෙම තීරණාත්මක අවධියේදී මහජනයා නිවැරදි දේ කළ යුතු බව නිව් සවුත් වේල්ස් ප්රාන්ත අගමැතිනී Gladys Berejiklian පවසයි.
