Latest

COVID 19 update 03 August: ඔස්ට්‍රේලියාවේ වයස අවුරුදු පහට අඩු ළමුන් සඳහා කොවිඩ් එන්නත අනුමත කරයි

2022 අගෝස්තු 03 වනදා ඔස්ට්‍රේලියාවේ කොවිඩ් තත්ත්වය පිළිබඳ යාවත්කාලීන වන තොරතුරු මෙම ලිපියේ ඇතුළත් වේ.

Children Under 5 Receive Covid-19 Vaccines At University Of Washington Hospital

On Wednesday, Australia followed the US and Canada in rolling out the COVID-19 vaccines for children under five. Source: Getty / David Ryder

Highlights

මාස හයේ සිට අවුරුදු පහ දක්වා ළමුන්ගෙන් තෝරාගත් කණ්ඩායමක් සඳහා ඔස්ට්‍රේලියාව Moderna COVID-19 එන්නත අනුමත කර ඇත.

දැඩි ප්‍රතිශක්තිකරණ දුර්වලතා, ආබාධිත සහ සංකීර්ණ සහ බහු සෞඛ්‍ය ගැටළු ඇති ළමුන් 70,000 කට පමණ සැප්තැම්බර් 5 සිට එන්නත ලබා ගත හැකි බව සෞඛ්‍ය අමාත්‍ය Mark Butler පැවසීය.

එන්නත් මාත්‍රා දෙකක් සති අටක පරතරයකින් ලබා දිය හැකි බව ඔහු පැවසු අතර ඇතැම් දරුවන්ට තුන්වන මාත්‍රාව සඳහා ද සුදුසුකම් ලැබිය හැකිය.

“ATAGI දැනට මාස 6 සිට අවුරුදු 5 දක්වා වැඩි අවදානමක් නොමැති ළමුන් සඳහා COVID-19 එන්නත නිර්දේශ නොකරයි. මෙම වයස් ඛාණ්ඩයේ එන්නත් කිරීමේ ප්‍රතිලාභ සම්බන්ධයෙන් ATAGI ලැබෙන සාක්ෂි නොකඩවා අධීක්ෂණය කරනු ඇත, ” Butler පැවසීය.

ඔවුන් ළමයින් සඳහා මාත්‍රා 500,000 ක් ඇණවුම් කර ඇති අතර මූලික සැපයුම් මේ සතිය අගදී ඔස්ට්‍රේලියාවට පැමිණෙනු ඇතැයි ඔහු පැවසීය.

එන්නත ප්‍රාන්ත සහ ටෙරිටරි රෝහල් හරහා ලබා දෙනු ඇත. සාමාන්‍ය වෛද්‍යවරුන් හරහා එන්නත් ලබාදීමට ද රජය සැලසුම් කර ඇත.

එන්නත් වෙන්කිරීම් මෙම මස අගදී විවෘත කරන බවත්, මේ අවස්ථාවේ එන්නත් සපයන්නන් සම්බන්ධ කර නොගන්නා ලෙස දෙමාපියන්ගෙන් ඉල්ලා සිටින බවත් ඔහු පැවසීය.

ඇමෙරිකාව, කැනඩාව සහ ඇතැම් ආසියානු රටවල් වයස අවුරුදු පහට අඩු ළමුන් සඳහා COVID-19 එන්නත දැනටමත් අනුමත කර ඇත.

ගතවූ පැය 24 තුළ ඔස්ට්‍රේලියාවෙන් කොවිඩ් මරණ 66 ක් වාර්තා වී ඇති අතර නිව් සවුත් වේල්ස් ප්‍රාන්තයෙන් කොවිඩ් මරණ 39 ක්ද, ක්වීන්ස්ලන්ත ප්‍රාන්තයෙන් සහ වික්ටෝරියා ප්‍රාන්තයෙන් කොවිඩ් මරණ 6 බැගින්ද ඊට ඇතුළත් වේ.

ඔස්ට්‍රේලියානු ඖෂධ හා චිකිත්සක නියාමන අධිකාරිය විසින් ප්‍රතිවෛරස් ඖෂධයක් වන Paxlovid හි කල් ඉකුත්වන දිනය සෙල්සියස් අංශක 25 ට වඩා අඩුවෙන් ගබඩා කර තිබේ නම් මාස 12 සිට මාස 18 දක්වා දීර්ඝ කර ඇත.

Paxlovid හි පළමු කණ්ඩායමට අගෝස්තු කල් ඉකුත් වීමේ දිනයක් තිබුණි.

Find a COVID-19 testing clinic

Register your RAT results here, if you're positive

Here is some help understanding COVID-19 jargon in your language

Read all COVID-19 information in your language on the SBS Coronavirus portal

Share

Published

Source: SBS

Share this with family and friends


Follow SBS Sinhala

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Sinhala-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service