Highlights
- කොවිඩ් අවදානම් ප්‍රදේශවල Omicron ප්‍රභේදයේ පැතිරීම උච්ච වෙමින් පවතින බව ඔස්ට්‍රේලියානු මධ්‍යම රජයේ සෞඛ්‍ය අමාත්‍ය Greg Hunt පවසයි.
- මේ අතර ගතවූ පැය 24 තුළ ඔස්ට්‍රේලියාවෙන් කොවිඩ් මරණ 56 ක් වාර්තා විය.
- අද සිට concession කාඩ්පත් හිමියන් සඳහා නොමිලේ rapid antigen පරීක්ෂණ කට්ටල ලබා ගත හැකිය. විශ්‍රාමිකයින්, ප්‍රවීණයන් සහ අඩු ආදායම්ලාභීන් ඇතුළුව මිලියන 6.6 ක ජනතාවක් ඒ සඳහා දැන් සුදුසුකම් ලබා ඇති අතර ඔවුන්ට මාස තුනක කාලයක් තුළ ඔසුසැල්වලින් නොමිලේ rapid antigen පරීක්ෂණ කට්ටල 10ක් දක්වා ලබාගැනීමට අවසර ලැබේ.
- Rapid antigen පරීක්ෂණ කට්ටල හිඟය සම්බන්ධයෙන් ඔස්ට්‍රේලියානු මධ්‍යම රජය දිගින් දිගටම ප්‍රශ්නවලට මුහුණ දී ඇත. අද සහ ජූලි අග අතර කාලයේ Rapid antigen පරීක්ෂණ කට්ටල මිලියන 16 ක් ඔස්ට්‍රේලියාවට පැමිණීමට අපේක්ෂා කරන බව සෞඛ්‍ය අමාත්‍ය Greg Hunt පවසයි.
- නව COVID-19 එන්නතක් වන Novavax එන්නත වැඩිහිටියන් සඳහා ඔස්ට්‍රේලියාවේ භාවිතා කිරීම සඳහා අවසාන අනුමැතිය ලැබී ඇති අතර එය පෙබරවාරි 21 සිට ලබාදීමට තීරණය කර ඇත.
- සති 3 ක කාල පරතරයක් සහිතව Novavax එන්නතේ මාත්‍රා දෙකක් ලබාගත යුතුවේ.
- නිව් සවුත් වේල්ස් ප්‍රාන්තයේ රෝහල්ගත කරන කොවිඩ් රෝගීන් සංඛ්‍යාවේ ඉහළ යාමක් පෙන්නුම් කෙරෙන අතර එය ඊයේ දිනයේදී 2,712 සිට 2,816 දක්වා වැඩිවී තිබුණි. මේ අතර වික්ටෝරියා ප්‍රාන්තයේ රෝහල්ගත කරන කොවිඩ් රෝගීන් සංඛ්‍යාවේ පහත බැසීමක් පෙන්නුම් කරයි. ඊයේ වන විට එම ප්‍රමාණය 1,002 සිට 998 දක්වා අඩුවී තිබුණි. මේ අතර ක්වීන්ස්ලන්තයේ රෝහල්ගත කර ඇති කොවිඩ් රෝගීන් සංඛ්‍යාව 863 ම පවතී.
- තම ප්‍රාන්තයේ පාසල් 2022 වසර සඳහා විවෘත කරන සැලසුම ක්වීන්ස්ලන්ත ප්‍රාන්තය විසින් මේ සතියේදී එළිදැක්වීමට නියමිතය.
- මේ අතර තම දෙවැනි කොවිඩ් එන්නත් මාත්‍රාවෙන් මාස 3 කට පසු ක්වීන්ස්ලන්ත වැසියන්ට අද පටන් තම බූස්ටර් එන්නත ලබාගත හැකිය.
ගතවූ පැය 24 තුළ ඔස්ට්‍රේලියාවේ ප්‍රාන්ත හා ටෙරිටරිවල කොවිඩ් ආසාදිතයින් සංඛ්‍යාව
- ගතවූ පැය 24 තුළ නිව් සවුත් වේල්ස් ප්‍රාන්තයෙන් අලුතින් කොවිඩ් ආසාදිතයින් 15,091 ක් හමුවී ඇති අතර කොවිඩ් මරණ 24 ක් වාර්තා වේ. එමෙන්ම නිව් සවුත් වේල්ස් ප්‍රාන්තයේ මේ වන විට කොවිඩ් රෝගීන් 2,816 ක් රෝහල්ගත කර ඇති අතර 196 දෙනෙකු දැඩි සත්කාර ඒකකවල සිටී.
- ගතවූ පැය 24 තුළ වික්ටෝරියා ප්‍රාන්තයෙන් කොවිඩ් ආසාදිතයින් 11,695 ක් සමග කොවිඩ් මරණ 17 ක් වාර්තා වේ. එමෙන්ම වික්ටෝරියා ප්‍රාන්තයේ මේ වන විට කොවිඩ් රෝගීන් 998 ක් රෝහල්ගත කර ඇත.
- ගතවූ පැය 24 තුළ ක්වීන්ස්ලන්තයෙන් කොවිඩ් ආසාදිතයින් 10,212 ක් ද කොවිඩ් මරණ 13 ක් ද වාර්තා වේ. එමෙන්ම ක්වීන්ස්ලන්ත ප්‍රාන්තයේ මේ වන විට කොවිඩ් රෝගීන් 878 ක් රෝහල්ගත කර ඇති අතර 50 දෙනෙකු දැඩි සත්කාර ඒකකවල සිටී.
- ගතවූ පැය 24 තුළ ටස්මේනියා ප්‍රාන්තයෙන් ආසාදිතයින් 619 ක් ද එක් කොවිඩ් මරණයක් ද වාර්තා වේ. එමෙන්ම ටස්මේනියා ප්‍රාන්තයේ මේ වන විට කොවිඩ් රෝගීන් 41 ක් රෝහල්ගත කර ඇත.
නිරෝධායන සහ කෝවිඩ් පරීක්ෂණ සිදු කිරීම ප්‍රාන්ත සහ ටෙරිටරි අනුව
සංචාරය කිරීම සම්බන්ධයෙන්
මූල්‍ය උපකාර
ඕස්ට්‍රේලියාවේ ප්‍රාන්ත සහ ටෙරිටරි 70% සහ 80% වශයෙන් එන්නත්කරන ඉලක්කය සම්පූර්ණ කළ පසු COVID-19 ආපදා ගෙවීම් හි වෙනස්කම් සිදු වේ.
ඔබේ ප්‍රාන්තය හෝ ටෙරිටරිය සඳහා අදාළ මාර්ගෝපදේශ : NSW, Victoria, Queensland, Western Australia, South Australia, Northern Territory, ACT, Tasmania.
පරිවර්තනය කර ඇති එන්එස්ඩබ්ලිව් බහු සංස්කෘතික සෞඛ්‍ය සන්නිවේදන සේවාවට පිවිසෙන්න:
