Highlights
- නිව් සවුත් වේල්ස් ප්‍රාන්තයේ අවුරුදු 12 සිට 15 දක්වා ළමුන්ගෙන් තුනෙන් එකක් පමණ කොවිඩ් එන්නතේ පළමු මාත්‍රාව ලබා ඇත.
- Moderna එන්නතේ අතිරේක මාත්‍රාවන් ලබාගත හැකි බවට වික්ටෝරියා ප්‍රාන්තය නිවේදනය කරයි.
- ACT හි කොවිඩ් ආසාදිතයින් නිරාවරණය වූ ස්ථාන ලැයිස්තුව පුළුල් වේ.
- කොවිඩ් එන්නත ලබාගැනීමට සුදුසු ඔස්ට්‍රේලියාවේ ජනගහනයෙන් 50% ක් කොවිඩ් එන්නතේ මාත්‍රා දෙකම ලබාගෙන තිබේ.
නිව් සවුත් වේල්ස් ප්‍රාන්තය
ගතවූ පැය 24 තුළ සිදුකළ කොවිඩ් පරීක්ෂණ හරහා නිව් සවුත් වේල්ස් ප්‍රාන්තයේ ප්‍රජාව අතරින් අලුතින් කොවිඩ් ආසාදිතයින් 1,043 ක් හමුවී තිබේ.
ඊට අමතරව කොවිඩ් මරණ 11 ක්ද වාර්තා වේ.
මේ අතර Pfizer, Moderna හෝ AstraZeneca කොවිඩ් එන්නත්වලින් එකක මාත්‍රා දෙකම ලබාගත් ජාත්‍යන්තර සිසුන් 500 ක් දෙසැම්බර් මාසයට පෙර නිව් සවුත් වේල්ස් ප්‍රාන්තයට ගෙන්වා ගැනීමට ප්‍රාන්ත රජය පියවර ගෙන තිබේ.
නිව් සවුත් වේල්ස් ප්‍රාන්තයේ බටහිර කලාපයේ Lightning Ridge, දකුණු කලාපයේ Jindabyne, Southern Tablelands හි Crookwell සහ උතුරු කලාපයේ South Lismore ප්‍රදේශවල අපජලයේ තිබී කොවිඩ් වයිරසයේ කොටස් හමුවී ඇත.
නිව් සවුත් වේල්ස් ප්‍රාන්තයේ කොවිඩ් එන්නත ලබාගත හැකි ස්ථාන සොයා ගැනීමට මෙතනින් පිවිසෙන්න.
වික්ටෝරියා ප්‍රාන්තය
ගතවූ පැය 24 තුළ වික්ටෝරියා ප්‍රාන්තයෙන් අලුතින් කොවිඩ් ආසාදිතයින් 733 ක් හමුවී ඇති අතර ඉන් 84% ක්ම වයස අවුරුදු 50 ට අඩු පිරිස බව සඳහන්.
ඊට අමතරව එක් කොවිඩ් මරණයක්ද වාර්තා විය.
මේ අතර ඉදිරි සති කිහිපය තුළදී වික්ටෝරියා ප්‍රාන්තය පුරා පිහිටි ඖෂධාගර 700 කට අධික සංඛ්‍යාවකට Moderna එන්නතේ මාත්‍රාවන් 300,000 කට වඩා ලැබෙනු ඇති බව වික්ටෝරියා ප්‍රාන්ත රජයේ සෞඛ්‍ය අමාත්‍ය Martin Foley පවසයි.
එසේම, Moderna එන්නතෙහි අතිරේක මාත්‍රාවන් 32,000 ක් පමණ තාවකාලික කොවිඩ් එන්නත්කරණ මධ්‍යස්ථාන සඳහා වෙන් කෙරෙන අතර වයස අවුරුදු 12-59 අතර ඕනෑම අයෙකුට ඒවා ලබා ගත හැකිය.
වික්ටෝරියානු ප්‍රාන්තයේ කොවිඩ් එන්නත ලබාගත හැකි ස්ථාන මෙතනින්.
Australian Capital Territory
ගතවූ පැය 24 තුළ ACT හි නව ආසාදිතයින් 19 ක් වාර්තා වේ.
මේ අතර උතුරු කැන්බරා හි Calvary Haydon Retirement Community නමැති Aged Care මධ්‍යස්ථානයේ පූර්ණ කොවිඩ් එන්නත ලබාගත් හෙදියක් COVID-19 වයිරසයට ධනාත්මක බව තහවුරු වී තිබේ.
ACT හි කොවිඩ් එන්නත ලබාගත හැකි ස්ථාන මෙතනින්.
ටස්මේනියා ප්‍රාන්තය
නිවසේදීම නිරෝධායනය වීම අත්හදා බැලීමේ ව්‍යාපෘතිය ටස්මේනියා ප්‍රාන්තය අද ආරම්භ කරයි.
ටස්මේනියා ප්‍රාන්තයේ නිවසේදීම නිරෝධායනය වීම සඳහා අදාළ පුද්ගලයින්ට කොවිඩ් පරීක්ෂණයක් කර ඍණාත්මක ප්‍රතිඵල ලබා ගත යුතු අතර ගුවන්තොටුපොළේ සිට නිවසට යාමට පුද්ගලික ප්‍රවාහන ක්‍රමයක් යොදාගත යුතුය.
ප්‍රාන්ත සහ ටෙරිටරි රජයන් මගින් නිරෝධායන සහ කොරෝනා පරීක්ෂණ අවශ්‍යතා කළමනාකරණය කිරීම සහ බලාත්මක කිරීම සිදු කරයි.
Source: SBS
- නිව් සවුත් වේල්ස් ගමනාගමන හා ප්‍රවාහන සහ නිරෝධායන කටයුතු
- වික්ටෝරියා අවසර පත්‍ර , විදෙස් සංචාරකයින් සහ නිරෝධායන කටයුතු
- ACT ගමනාගමන සහ නිරෝධායන කටයුතු
- NT ගමනාගමන සහ නිරෝධායන කටයුතු
- ක්වීන්ස්ලන්තය ගමනාගමන සහ නිරෝධායන කටයුතු
- දකුණු ඔස්ට්‍රේලියාව ගමනාගමන සහ නිරෝධායන කටයුතු
- ටස්මේනියා ගමනාගමන සහ නිරෝධායන කටයුතු
- බටහිර ඔස්ට්‍රේලියාව ගමනාගමන සහ නිරෝධායන කටයුතු
ඔබට ඔස්ට්‍රේලියාවෙන් පිටව යාමට අවශ්‍ය නම්, ඔබ පහත සඳහන් ඛාණ්ඩ වලින් එකකට අයත් විය යුතු අතර පිටව යාම සඳහා අවසර ගැනීමට online මාර්ගයෙන් අයදුම් කළ යුතුය.
ඔබේ ප්‍රාන්තය හෝ ටෙරිටරිය සඳහා අදාළ මාර්ගෝපදේශ : NSW, Victoria, Queensland, Western Australia, South Australia, Northern Territory, ACT, Tasmania.
පරිවර්තනය කර ඇති එන්එස්ඩබ්ලිව් බහු සංස්කෘතික සෞඛ්‍ය සන්නිවේදන සේවාවට පිවිසෙන්න:
එක් එක් ප්‍රාන්ත සහ ටෙරිටරි වල කොරෝනා පරීක්ෂණ සායන සොයා ගැනීම සඳහා පහත වෙබ් යොමු වෙත පිවිසෙන්න
- නිව් සවුත් වේල්ස්
- වික්ටෝරියා
- ක්වීන්ස්ලන්තය
- දකුණු ඔස්ට්‍රේලියාව
- ACT
- බටහිර ඔස්ට්‍රේලියාව
- ටස්මේනියා
- නොදර්න් ටෙරිටරිය
