COVID-19 රෝගීන්ගේ සිව්වන රැල්ල ප්‍රාන්තය තුළ ඉහළ ගොස් ඇති නමුත් ප්‍රජාව තුළ සම්ප්‍රේෂණය ඉහළ මට්ටමක පවතින බව නිව් සවුත් වේල්ස් ප්‍රධාන වෛද්‍ය නිලධාරී වෛද්‍ය Kerry Chant අනතුරු අඟවා තිබේ.
තවමත් රෝහල්වල සහ aged care මධ්‍යස්ථානවල මුව ආවරණ පැළඳ සිටින ලෙස තමන් ජනතාවගෙන් ඉල්ලා සිටින අතර, එම ස්ථාන තුළ මිනිසුන් එම අවශ්‍යතාවලට අනුකූල වීම වැදගත් බව ඇය පැවසුවාය.
මුව ආවරණ ද අවදානම අඩු කරන අතර ජනාකීර්ණ ගෘහස්ථ අවකාශයන්හි ඒවා පැළදීමට නිර්දේශ කරනු ලබන බවත් ඔබ අවට අවදානමට ලක්විය හැකි අය කවුරුන්ද යන්න ඔබ කිසිදා නොදන්නා බවත් ඇය සඳහන් කළාය.
මේ අතර ස්වයං-වාර්තා කරන ලද rapid antigen පරීක්ෂණ (RATs), PCR පරීක්ෂණ ධනාත්මක අනුපාතය, ගිලන්රථ ඇමතුම් සහ aged care පදිංචිකරුවන් අතර සැලකිය යුතු අඩුවීමක් සිදුව ඇති බව ක්වීන්ස්ලන්තයේ හි ප්‍රධාන සෞඛ්‍ය නිලධාරි වෛද්‍ය John Gerrard පැවසුවේය.
පෙර සතියේ රෝගීන් 40,695 ට සාපේක්ෂව දෙසැම්බර් 23 න් අවසන් වූ සතියේ NSW ප්‍රාන්තය විසින් නව සතිපතා COVID රෝගීන් 38,610 ක් වාර්තා කළේය.
එමෙන්ම පෙර සතියේ රෝගීන් 24,652 ට සාපේක්ෂව දෙසැම්බර් 23 න් අවසන් වූ සතියේ වික්ටෝරියා ප්‍රාන්තය විසින් නව සතිපතා COVID රෝගීන් 24,238 ක් වාර්තා කර තිබේ.
සියලුම වික්ටෝරියානුවන්ට දෙසැම්බර් 31 දක්වා ඕනෑම රජයේ කොවිඩ් පරීක්ෂණ මධ්‍යස්ථානයකින් RAT පැකට් දෙකක් නොමිලේ ලබා ගත හැක.
කෙසේ වෙතත්, වික්ටෝරියා ප්‍රාන්ත රජය විසින් පවත්වාගෙන යනු ලබන සියලුම PCR පරීක්ෂණ සායන සහ ජංගම එන්නත් සේවා දෙසැම්බර් 31 සිට වසා දමනු ඇත.
දකුණු ඕස්ට්‍රේලියාව දෙසැම්බර් 23 සිට metropolitan SA Pathology පරීක්ෂණ ස්ථානවල නොමිලේ මුව ආවරණ බෙදා හරිනු ඇත.
දකුණු ඔස්ට්‍රේලියා ප්‍රාන්ත රජයේ සහ පෞද්ගලික රෝහල්වල අමුත්තන්ට මුව ආවරණ පැළඳීම අවශ්‍ය වේ. රජයේ Pathology PCR පරීක්ෂණ ස්ථාන නිවාඩු දිනවල විවෘතව පවතිනු ඇත, නමුත් ඉල්ලුමට ප්‍රතිචාර වශයෙන් සුපුරුදු වේලාවන් වෙනස් විය හැක.
ලෝක සෞඛ්‍ය සංවිධානයේ අධ්‍යක්ෂ ජනරාල් Tedros Ghebreyesus චීනයේ COVID-19 පැතිරීම පිළිබඳව සිය කනස්සල්ල පළ කළේය.
ඔවුන්ගේ දත්ත බෙදා ගැනීමට සහ අප ඉල්ලා ඇති අධ්‍යයනයන් සිදු කරන ලෙස චීනයෙන් දිගටම ඉල්ලා සිටින බව ඔහු මාධ්‍ය හමුවකදී පැවසීය.
COVID-19 වසංගතය මේ වසරේ සැලකිය යුතු ලෙස අඩු වී ඇති අතර ගෝලීය monkeypox වසංගතය අඩුවෙමින් පවතින බව වෛද්‍ය Ghebreyesus පැවසුවේය.
මෙම එක් එක් හදිසි අවස්ථා ලබන වසරේ විවිධ ස්ථානවල ප්‍රකාශ කරනු ඇතැයි බලාපොරොත්තු වන බව ද ඔහු ප්‍රකාශ කළේය.
ජපානය, කොරියාව, ඇමෙරිකාව, ප්‍රංශය සහ බ්‍රසීලය රටවල් මට්ටමින් සතිපතා වැඩිම නව COVID රෝගීන් සංඛ්‍යාවක් වාර්තා කර ඇත.
නිවාඩු කාලය තුළ පහත සඳහන් අංකයන්ගෙන් අදාළ සේවාවන් ලබා ගත හැකිය:
- Lifeline – 13 11 14. බිහිරි හෝ ශ්‍රවණාබාධ ඇති පුද්ගලයින් සඳහා, Lifeline on වෙත කෙටි පණිවිඩයක් යවන්න 0477 131 144
- MindMap youth portal – 1800 862 111
- Access Mental Health Team – 1800 629 354 හෝ 02 6205 1065
- Suicide Call Back Service – 1300 659 467
ඔස්ට්‍රේලියාවේ ඒ ඒ ප්‍රාන්තයේ සහ ටෙරිටරියේ Long COVID සායන ඇති ස්ථාන මෙතනින් සොයාගන්න
ඔස්ට්‍රේලියාවේ ඒ ඒ ප්‍රාන්තයේ සහ ටෙරිටරියේ COVID-19 පරීක්ෂාකරන ස්ථාන මෙතනින් සොයාගන්න
