Key Points
- පෙබරවාරි 28 වන දින සිට, ධනාත්මක RAT ප්රතිඵල වාර්තා කිරීමේ අවශ්යතාවය ඉවත් කිරීමට ඕස්ට්රේලියානු කැපිටල් ටෙරිටරිය පියවර ගෙන තිබේ
- දේශීය හා ජාත්යන්තර සංචාර තවමත් පූර්ව වසංගත මට්ටම් කරා ගොස් නොමැති බව සිඩ්නි ගුවන් තොටුපල දත්ත පෙන්නුම් කරයි
- පසුගිය දින 28 තුළ ගෝලීය COVID රෝගීන්ගේ 89% ක අඩුවීමක් පවතින බව, ලෝක සෞඛ්ය සංවිධානය වාර්තා කරයි
ඕස්ට්රේලියානු ඖෂධ සහ චිකිත්සක නියාමන අධිකාරිය (TGA) මගින් මුල් Omicron ප්රභේදය සහ BA.4/BA.5 ප්රබේදයන් ඉලක්ක කර ගනිමින් Moderna හි bivalent COVID-19 එන්නත තාවකාලිකව අනුමත කොට තිබේ.
එමෙන්ම මුල් Omicron ප්රබේදය සහ BA.1 ප්රබේදය ඉලක්ක කරන Moderna හි bivalent එන්නත ඕස්ට්රේලියානු ප්රතිශක්තිකරණය පිළිබඳ තාක්ෂණික උපදේශක කණ්ඩායම මගින්ද මේ වනවිටත් අනුමත කොට තිබේ.
කෙසේ නමුත්, මෙම එන්නත වයස අවුරුදු 12 සහ ඊට වැඩි පිරිසට මෙය බූස්ටර් එන්නතක් ලෙස භාවිතා කිරීම සඳහා ඕස්ට්රේලියානු ප්රතිශක්තිකරණය පිළිබඳ තාක්ෂණික උපදේශක කණ්ඩායම (ATAGI) අනුමැතිය ලබාදිය යුතුව තිබේ.
Burnet ආයතනයේ ප්රධාන විධායක Brendan Crabb පාර්ලිමේන්තු පරීක්ෂණ කමිටුවක් හමුවේ සඳහන් කොට සිටියේ long COVID සම්බන්ධයෙන් වන දැනුවත් කිරීම් වෙනස් විය යුතු බවයි.
මෙම long COVID මගින් බලපෑමට ලක් වූ පුද්ගලයින් රජය මගින් අතහැර දමා ඇති බවක් දැනී ඇති බවත් ඔහු පවසයි.
එමෙන්ම ඕස්ට්රේලියානු ප්රතිපත්ති බොහෝ දුරට උග්ර COVID තත්ත්ව සම්බන්ධයෙන් පමණක් අවධානයක් යොමු කරන අතර ඔවුන් අවදානමට ලක්විය හැකි පිරිස සම්බන්ධයෙන් පමණක් අවධානය යොමු කරන බවත් Brendan සඳහන් කරයි.
එමෙන්ම එන්නත් යාවත්කාලින කල පුද්ගලයින්ට සාපේක්ෂව, එන්නත් නොකළ පුද්ගලයින් රෝහල්ගත වීමේ අවදානම අට ගුණයකින් ඉහල අතර මරණ අවදානම පස් ගුණයකින් වැඩි බව නව විශ්ලේෂණයකින් පෙන්නුම් කොට තිබේ.
සිඩ්නි ගුවන් තොටුපල මගින් නිකුත් කල නවතම දත්ත පෙන්වා දෙන්නේ, ඕස්ට්රේලියාවේ දේශීය හා ජාත්යන්තර සංචාර තවමත් පූර්ව වසංගත මට්ටම කරා ළඟා වී නොමැති බවයි.
2023 ජනවාරි මාසයේදී ගුවන් මගීන් 3,120,000ක් සිඩ්නි ගුවන් තොටුපළ හරහා සංචාරය කොට ඇති අතර එය 2019 ජනවාරි මාසයේදී ගුවන් තොටුපළ භාවිත කළ ගුවන් මගීන්ගෙන් 79%ක් පමණ වේ.
ඕස්ට්රේලියානු කැපිටල් ටෙරිටරිය පෙබරවාරි 28 වන දින සිට ක්රියාත්මක වන පරිදි ධනාත්මක RAT ප්රතිඵල වාර්තා කිරීමේ අවශ්යතාවය ඉවත් කිරීමට නියමිතයි.
ඕස්ට්රේලියානු කැපිටල් ටෙරිටරි රජය, මේ වනවිට සිය ධනාත්මක RAT පරීක්ෂණ ප්රතිඵල වාර්තා කිරීමට අවශ්ය වන රටේ එකම රජය වේ.
එමෙන්ම 2023 මාර්තු 1 සිට, ඕස්ට්රේලියානු කැපිටල් ටෙරිටරි වැසියන්ට (Heritage Library හැර) රාජ්ය පුස්තකාලය මගින් සහ Access Canberra සේවා මධ්යස්ථාන ඇතුලු ස්ථාන කිහිපයකින් නොමිලේ RAT පරීක්ෂණ කට්ටල එකතු කළ හැක.
වික්ටෝරියා ප්රාන්තයෙන් ආසාදිතයින් 3,052 ක් වාර්තා වූ අතර, එය පෙර සතියේ ආසාදිතයින් 3,334 ට සාපේක්ෂව අඩු අගයකි.
පසුගිය දින 28 තුළ ගෝලීය වශයෙන් කොවිඩ් ආසාදිතයින් 89% ක අඩුවීමක් සහ මරණ සංඛ්යාව 62% කින් අඩු වී ඇති බව ලෝක සෞඛ්ය සංවිධානය සිය නවතම වාර්තාවේ සඳහන් කරයි.
චීනය, ජපානය, ඇමරිකාව, කොරියාව සහ ජර්මනිය රටවල් මට්ටමින් ඉහලම ආසාදිතයින් වාර්තා කොට තිබේ.
එමෙන්ම Omicron BA.5 සහ එම උප ප්රබේද හා සම්බන්ධ නව ආසාදිතයින් සංක්යාව අඩුවෙමින් පවතින බවත් ඔවුන් පසුගිය සතියේ වාර්තා වූ සියලුම ආසාදිතයින්ගෙන් 35.3% ක් වන බවත් ලෝක සෞඛ්ය සංවිධානය පවසයි.
ඔස්ට්රේලියාවේ ඒ ඒ ප්රාන්තයේ සහ ටෙරිටරියේ Long COVID සායන ඇති ස්ථාන මෙතනින් සොයාගන්න
ඔස්ට්රේලියාවේ ඒ ඒ ප්රාන්තයේ සහ ටෙරිටරියේ COVID-19 පරීක්ෂාකරන ස්ථාන මෙතනින් සොයාගන්න
ඔබ ධනාත්මක නම්, ඔබේ RAT ප්රතිඵල මෙහි ලියාපදිංචි කරන්න
ඔබ විදේශගත වීමට පෙර නවතම සංචාරක අවශ්යතා සහ උපදේශන පරීක්ෂා කරන්න
උපකාරක සඳහා පිවිසෙන්න
ඔබේ භාෂාවෙන් COVID-19 සම්බන්ධයෙන් වන තොරතුරු සඳහා පිවිසෙන්න
