ඔස්ට්‍රේලියාවට එරෙහිව ඇඩිලේඩ් හි පැවැති පළමු ටෙස්ට් ක්‍රිකට් තරගයෙන් ලකුණු 31 ක ජයක් අත්කර ගැනීමට සංචාරක ඉන්දීය කණ්ඩායම ඊයේ (10/12) සමත් විය.
ඒ අනුව දෙරට අතර පැවැත්වෙන තරග 4 කින් සමන්විත ටෙස්ට් තරගාවලියේ 1-0 ක් ලෙස ඉන්දියාව මේ වන විට ඉදිරියෙන් සිටී.
කාසියේ වාසිය දිනා පළමු ඉනිම ඇරඹු ඉන්දීය කණ්ඩායම සියලු දෙනා දැවී ලකුණු 250 ක් ලබාගත් අතර පිළිතුරු ලෙසින් ඔස්ට්‍රේලියානු කණ්ඩායම ලකුණු 235 ක් ලබා ගත්තේය.
ඉන්දීය කණ්ඩායම සිය දෙවැනි ඉනිම සඳහා සියලු දෙනා දැවී ලකුණු 307 ක් ලබාගත් අතර පිළිතුරු ලෙසින් ඔස්ට්‍රේලියානු කණ්ඩායමට ලබාගැනීමට හැකිවුයේ ලකුණු 291 ක් පමණි.
ඒ අනුව ඉන්දීය කණ්ඩායම පළමු ටෙස්ට් තරගය ලකුණු 31 කින් ජයග්‍රහණය කිරීමට සමත් විය.
