ශ්රී ලංකා අග්රාමාත්ය රනිල් වික්රමසිංහ මහතාට එරෙහිව ඒකාබද්ධ විපක්ෂය පෙරේදා (21/03)කතානායකවරයාට බාර දුන් විශ්වාසභංග යෝජනාව එළඹෙන අප්රේල් 04 වන දින විවාදයට ගැනීමට ඊයේ (22/03) පැවති පක්ෂ නායක රැස්වීමේදී තීරණය කර තිබේ.
මේ අනුව අප්රේල් 04 වන දින පෙරවරු 9.30 සිට රාත්රී 9.30 දක්වා පාර්ලිමේන්තුව පැවැත්වීමට නියමිත අතර විශ්වාසභංගයට අදාළ ඡන්ද විමසීම රාත්රී 9.30 ට ආරම්භ කෙරේ.
මෙම විශ්වාසභංග යෝජනාවට ඒකාබද්ධ විපක්ෂයේ මන්ත්රීවරුන් 51 කට අමතරව රාජ්ය ඇමැති ටී බී ඒකනායක, නියෝජ්ය ඇමැතිවරුන් වන නිශාන්ත මුතුහෙට්ටිගම, සුසන්ත පුංචිනිලමේ සහ මන්ත්රී කාදර් මස්තාන් නැමති ආණ්ඩු පක්ෂයේ හතර දෙනකු ද අත්සන් තබා තිබේ.
කෙසේනමුත් මෙම විශ්වාස භංග යෝජනාව සඳහා හිටපු ජනාධිපති කුරුණෑගල දිස්ත්රික් මන්ත්රී මහින්ද රාජපක්ෂ මහතා අස්සන් කර නොමැති බවද වාර්තා වේ.
ඊට අමතරව මෙම යෝජනාවට ඒකාබද්ධ විපක්ෂයේ සිරිපාල ගම්ලත් සහ රොෂාන් රණසිංහ යන මහත්වරුන් අත්සන් කර නොමැති බවද වාර්තා වන අතර දෙමළ ජාතික සන්ධානය හා ජනතා විමුක්ති පෙරමුණේ මන්ත්රීවරු ද අත්සන් කර නොමැති බව වාර්තා වේ.
