ඔස්ට්‍රේලියාවට බලපා ඇති මෙම දරුණු ලැව්ගිනි තත්වයෙහි පුර්ව නිමිති, මීට වසර දෙකකට පෙර සිටම ඇති බවට සාක්ෂි පෙනෙන්නට තිබෙන බව කාලගුණ විද්‍යා කාර්යාංශය පවසයි.
පසුගිය 2019 වසර ඕස්ට්‍රේලියාවේ මේ වන තෙක් පැවති උණුසුම්ම හා වියලිම වසර ලෙසට මේ වන විට වාර්තා වී තිබේ. එසේම පසුගිය වසරේ සමස්ත උෂ්ණත්වයේ සාමාන්‍යය, පෙර වසර වලට වඩා සෙල්සියස් අංශක 1.52 කින් ඉහල ගොස් ඇත.
එසේම පසුගිය වසරේදී සාමාන්‍ය වර්ෂාපතන එකතුව මෙතක් වාර්තාගත අඩුම අගය වන මිලිමීටර 277 කි.
කාලගුණ කාර්යාංශයේ ආචාර්ය කාල් බ්‍රැගන්සා පවසන්නේ මෙම පුර්ව කාලගුණික වෙනස්කම් දරුණු සහ දීර්ඝ ලැව්ගිනි සමයක පෙර නිමිති බවයි.
