කෝණ මංගල්යය හෙවත් ආදි වාසී ජනයා සහභාගීවන අවුරුදු උත්සවය ආදිවාසී නායක ඌරුවරිගේ වන්නිලැත්තන්ගේ ප්රධානත්වයෙන් දඹාන ජන උරුම කේන්ද්රයේදී පැවැත්විණි.
පුරාණ චාරිත්රවලට මුල් තැන දෙමින් මෙම කෝණ මංගල්ය ආරම්භ විය. ආගමිකවතාවත් පැවැත්වීමෙන් පසු හිටපු ආදිවාසී නායක තිසාහාමිගේ පිළිරුවට පුෂ්පෝපහාර දැක්වූ ආදිවාසීන් සිය අවුරුදු උත්සවය ආරම්භ කළෝය.
ඉලක්කයට දුනු හීයෙන් විදීම, ගල් දුන්නෙන් විදීම, හොදම හූව, පැණි කැඩීම, හොදම හිනාව සහ ඇඩීම ඇතුලු අංග රාශියකින් මෙම අවුරුදු උත්සවය සමන්විත විය.
සිංහල දමිළ ජනතාව අවුරුදු උත්සවය සමරන අයුරින්ම ආදිවාසී ජනතාව ද සිය සිරිත් විරිත් ඉටුකරන බව ආදිවාසී නායක ඌරුවරිගේ වන්නිලැත්තන් ප්රකාශ කළේය.
වනය තුලදී ස්වාභාවික හේතුමත අසීරුතාවට පත්වන ආදි වාසීන් තමන් ලැබූ අත්දැකීම් සෙසු සාමජිකයන්ට අංගනයෙන් කියා පෑමක් ද මෙම අවුරුදු උත්සවයේදී කරන බව ආදිවාසී නායකයා කියා සිටියේය. බඹර කැඩීම සදහා වන දුර්ගය වෙත පැමිණෙන හැඩිදැඩි ආදි වාසීන්ට වලසුන්ගේ ප්රහාරයන්ට නිරන්තරයෙන් ගොදුරුවීමට සිදුවන අතර එය සංකේතවත් කරමින් බඹර කැඩීමේ අංගය ද අවුරුදු උත්සවයේදී විදහා පෑමට ආදි වාසීන් කටයුතු කළෝය.
මහ වනයේදී ඹබර වද කැඩීම අසීරු කාර්යයක් වන අතර එය වඩාත් අසීරුවන්නේ වලසා විසින් කඩන ඹබර වලසාට නොදැනෙන ලෙස එකතු කර ගැනීම වේ. ගස් බෙන, ගල් ගුහා ආදියේ බැද ඇති වද වලසා විසින් ආහාරයට ගන්නා අතර ඔහු ඉන් කොටසක් රැගෙන යාමට කටයුතු කරන අතර ආදි වාසීන් එම කොටස වලසාට නොදැනෙන ලෙස සොරකම් කරයි. එම අසීරු කාර්යය සංකේතවත් කරමින් අංගනයෙන් ඉදිරිපත් කළ බඹර වද කැඩීමේ චාරිත්රය කාගේත් සිත් ගන්නා සුලු විය.
දඹාන ජන උරුම කේන්ද්රයේදී පැවැති මෙම අවුරුදු උත්සවය සදහා ආදිවාසීන් විශාල පිරිසක් සහභාගී වූ අතර එය දැක බලා ගැනීම සදහා දේශීය සංචාරකයන් සහභාගීව සිටියහ.
