විදෙස් ත්‍රස්ත ක්‍රියා වලට සම්බන්ධ වීම සඳහා ඔස්ට්‍රේලියාවෙන් පිටව යාමට සැලසුම් කළ පුද්ගලයෙකු මෙල්බර්න් නුවරදී අත්අඩංගුවට.

විදෙස් ත්‍රස්ත ක්‍රියා වලට සම්බන්ධ වීම පිණිස ඔස්ට්‍රේලියාවෙන් පිටව යාමට සැලසුම් කළ පුද්ගලයෙකු ඊයේ (20/06) මෙල්බර්න් නුවරදී අත්අඩංගුවට ගනු ලැබිණි.

29 හැවිරිදි මෙම පුද්ගලයා Roxburgh Park හි සිය සේවා ස්ථානයේදී ත්‍රස්තවාදයට එරෙහිව කටයුතු කරන ඔස්ට්‍රේලියානු පොලීසිය විසින් අත්අඩංගුවට ගැනුණි.

ඔහුව අද දිනයේ මෙල්බර්න් මහේස්ත්‍රාත් අධිකරණය හමුවට පැමිණවීමට නියමිතය.

මේ සම්බන්ධයෙන් වැඩි දුර පරීක්ෂණ පවත්වන බව වික්ටෝරියානු පොලීසිය පවසයි.