ඇමෙරිකා එක්සත් ජනපදයේ Florida හි උසස් පාසලක ඊයේ (14/02) වෙඩි තැබීමක් සිදුවී ඇති අතර මේ වන විට ඉන් 17 දෙනෙකු ජීවිතක්ෂයට පත් වී තවත් තිදෙනෙකු බරපතල තත්ත්වයේ පසුවන බව වාර්තා වේ.
Florida හි පාර්ක්ලන්ඩ් ප්රදේශයේ පිහිටි Marjory Stoneman Douglas උසස් පාසලේ මෙම වෙඩි තැබීම සිදුව ඇති අතර එම වේදී තැබීම සිදු කර ඇත්තේ එම පාසලේම ඉගෙනුම ලැබූ 19 හැවිරිදි Nikolas Cruz නැමති තරුණයෙකු විසින් බව මේ වන විට හඳුනා ගෙන තිබේ.
විනය කඩ කිරීමක් හේතුවෙන් ඔහුව පාසලෙන් නෙරපා තිබු බවද වාර්තා වේ.
ඔහු සතුව AR-15 වර්ගයේ රයිෆලයක් තිබී ඇති බවට තොරතුරු ලැබී ඇති අතර සිසුන් 12 දෙනෙකු පාසල තුළද දෙදෙනකු පාසලින් පිටතද එක අයෙකු පාසල අසල වීදියකද අනෙක් දෙදෙනා රෝහලේදී ද මිය ගොස් ඇති බව වාර්තා වේ.
වෙඩි තැබීම සිදු කළ බවට සැක කෙරෙන තරුණයා මේ වන විට පොලිස් අත්අඩංගුවට පත්ව ඇති බව වාර්තා වේ.
පසුගිය දශක තුන ඇතුලත ඇමෙරිකානු ඉතිහාසයේ වාර්තාවූ මාරාන්තික සමූහ ඝාතන වලින් එකක් ලෙස මෙය හැඳින්වෙන අතර මේ වසරේ අමෙරිකාවෙන් වාර්තාවූ 18 වන පාසල් සම්බන්ධ වෙඩි තැබීමේ සිදුවීම බවද සඳහන්.
