හිටපු ඉන්දීය ජනාධිපති වරයෙක් වන ප්රනාබ් මුකර්ජි මහතා අභාවප්රාප්ත වේ. Covid 19 ආසාදනය වීම හේතුවෙන් සති ගණනක් රෝහල් ගතවී සිටි ඔහු, මියයන විට 84 වන වියෙහි පසුවිය.
කොරෝනා ආසාදනය වී සිටි හිටපු ජනපති මුකර්ජි මහතා දින 22 ක කාලයක් නවදිල්ලි නගරයේ පිහිටි ඉන්දීය හමුදා රෝහලක ජීවිතයත් මරණයත් අතර සටනක නියැලී සිටියේය. ඉන්දීය හමුදා ප්රකාශකයෙක් සඳහන් කොට සිටියේ පෙනහැලි ආසාදනය වීම හේතුවෙන් මුකර්ජි මහතා සිහිමුර්ජා තත්වයෙන් පසුවුණු බවයි.
ඉන්දීය ජාතික කොංග්රසයෙන් දේශපාලනයට පිවිසි ප්රනාබ් මුකර්ජි මහතා ඉන්දියාවේ 13 වෙනි ජනාධිපතිවරයා ලෙසට වසර 2012 සිට 2017 දක්වා වසර 5 ක කාලයක් ඉන්දියාවේ ජනාධිපති තනතුර හෙබවීය.
මේ අතර ලොව එක් දිනකදී මෙතෙක් වාර්තා වුනු වැඩිම කොරෝනා ආසාදිතයින් සංඛ්යාව ඊයේ (අගෝස්තු 31) වාර්තා විය. එම සංඛ්යාව 78,761 ක් වුනු අතර මරණ 948 ක් ලෙසට වාර්තා විය.
