දකුණු ජපානයේ Fukuoka නගරයේ මංතීරු 5කින් සමන්විත ප්රධාන මාර්ගයක කොටසක් අද (08/11) උදෑසන හදිසියේ ගිලා බැසීම හේතුවෙන් එම ස්ථානයේ විශාල වළක් නිර්මාණය වී තිබේ. මෙම තත්ත්වය නිසා එම ප්රදේශයේ විදුලිය, ජලය සහ ගෑස් සැපයුමද බිඳ වැටී ඇති බව වාර්තා වේ.
මෙම ගිලා බැසීම අද අලුයම් කාලයේදී සිදුවූ බැවින් කිසිවෙකුටත් හානි සිදුව නොමැති බව බලධාරීන් පවසයි.
මේ තත්ත්වයට හේතුව කුමක්ද යන්න පිළිබඳ පරීක්ෂණ පවත්වමින් තිබෙන බවත් එය මේ වන විට අදාළ ප්රදේශයට යාබදව ඉදිවෙමින් පවතින උමං මාර්ගය හා සම්බන්ධ දැයි සැකයක් මතුව ඇති බවද පැවසෙයි.
උමං මාර්ගයක ඉදිකිරීම් හේතුවෙන් 2014 වසරේදීද Fukuoka නගරයේ ප්රදේශයක ගිලා බැසීමක් සිදුව කුඩා ප්රමාණයේ වළක් සෑදුනු බව සඳහන්.
ඔලිම්පික් ක්රීඩා උළෙලක පිහිණුම් තටාකයක් හා සමාන විශාලත්වයකින් යුත් මෙම වළ නිර්මාණය වී ඇත්තේ නගරයේ කාර්ය බහුලම දුම්රිය ස්ථානයක් වන Hakata දුම්රිය ස්ථානය ආසන්නයේදී බව වාර්තා වේ.
මේ තත්ත්වය හේතුවෙන් ඒ ආසන්නයේ ගොඩනැගිලිවල සිටින පිරිස් ඒවායින් ඉවත් කර ඇති බවද සඳහන්.
