ඉන්දියාවේ හිමාල අඩවිය ආසන්න උත්තරකන්ද් ප්රදේශයේ වේල්ලක් මතට ග්ලැසියරයක් කඩා වැටීමෙන් විශාල ගංවතුර තත්වයක් හටගෙන තිබේ.
මෙම අනතුරින් පුද්ගලයින් 9 දෙනෙකු ජීවිතක්ෂයට පත්වී ඇති බවත් තවත් පුද්ගලයින් 100 කට අධික පිරිසක් අතුරුදන්ව ඇති බවත් මේ වන විට වාර්තා වේ.
අතුරුදන්වූ පිරිස් සොයා මේ වන විට මෙහෙයුම් ක්රියාත්මක වෙමින් පවතින අතර එක් පුද්ගලයෙකු ගේ දිවි බේරාගැනීමට අදාළ කණ්ඩායම් වලට හැකිවී තිබේ.
අදාළ වේල්ල හා ආශ්රිතව ඉදි කෙරෙන ජල විදුලි බලාගාරයේ ඉදිකිරීම් කටයුතු වල නියුතු පුද්ගලයින් මෙලෙස අතුරුදන්ව ඇතැයි වාර්තා වේ.
මෙම අනතුර නිසා අතුරුදන්වූ පුද්ගලයින් ගේ ප්රමාණය වැඩිවිය හැකි බව උත්තරකන්ද් ප්රදේශයේ ප්රධාන අමාත්ය Trivendra Singh Rawat පැවසීය.
Share
